Indýstrııa jáne ınfraqurylymdyq damý mınıstrligi aýyz sýmen qamtamasyz etý jónindegi ınteraktıvti kartaǵa ózgerister engizdi, dep habarlaıdy Egemen.kz.
Atap aıtqanda, kartaǵa azamattardyń ótinishterin qabyldaý men óńdeýdiń biryńǵaı platformasy arqyly halyqpen keri baılanys ornatýǵa arnalǵan jańa fýnksııalar qosyldy.
Eske sala ketsek, aýyldardy sýmen qamtamasyz etý deńgeıin monıtorıngileý úshin Mınıstrlikpen turǵyndarǵa qoljetimdi ınteraktıvti karta ázirlengen bolatyn. Onyń kómegimen árbir azamat ózin qyzyqtyratyn kez-kelgen aqparatty kóre alady. Máselen, óńirdiń sýmen qamtamasyz etilýi, qarjylandyrý, qarajatqa degen qajettilik, halyq sany týraly jáne basqa da málimettermen tanysýǵa bolady.
Jalpy aýyz sýmen qamtamasyz etý boıynsha Almaty (99,1%), Atyraý (99%) jáne Qyzylorda oblystary (97,8%) kósh bastap tur. Degenmen, birqatar óńirde artta qalýshylyq bar. Aýyz sýmen qamtýdyń eń tómengi deńgeıi Qostanaı (74,9%) jáne Soltústik Qazaqstan oblystarynda (83,5%) baıqalady.
2021 jyldyń qorytyndysy boıynsha aýyl halqy arasynda sýmen jabdyqtaý qyzmetterine degen qoljetimdilik 93%-dy quraıdy.