Mýzeılerdi damytýǵa kómektesedi

«Búgingi tańda mýzeılerdiń deń­geıin týrıstik naryqtyń qazir­gi qajettiligine, ásirese eldiń mádenıe­timen tanysqysy keletin jas týrıs­terdiń qyzyǵýshylyqtaryna beıimdeý qajet. Sondaı-aq qazirgi kezde mýzeı­lerdi jańǵyrtý jáne mýzeıge baratyn týrıster sanyn arttyrý máselesi ózekti bolyp qala beredi. Orta eseppen alǵanda, pandemııaǵa deıingi kezeńde elimizdegi 250 mýzeıge kúnine 74 adam barǵan eken. Bul – óte tómen statıs­tıka», dep atap ótti «Atameken» UKP Týrıstik sala komıtetiniń tóraıymy Iýlııa Iаkýpbaeva.

Mádenıet jáne sport mınıstrligi Mádenıet komıteti tóraǵasynyń orynbasary Maqsat Arǵynbekov vedomstvoda murajaılar jumysynyń tıimdiligin arttyrýdy josparlap otyrǵandaryn aıtty.

«Biz týrısterdi mýzeılerge de kóp­tep tartýdy kózdep otyrmyz, osyǵan sáıkes birqatar shara qabyl­da­nýda. Mýzeı qyzmetkerleriniń eńbekaqysyn kóterý máselesi de py­syq­talyp jatyr. Kreatıvti ekonomıka tujyrymdamasy aıasynda mýzeılerde qyzyqty ónimderdi engizý mindeti qoıyldy. Qyzmetkerlerdi yntalandyrý úshin biz júlde qory qomaqty baıqaýlardy jıi ótkizemiz. О́kinishke qaraı, mınıstrlik tarapynan kóptegen is-shara qarjylandyrylmaı, aıaqsyz qalyp jatady. Sondyqtan demeý­shi­lerden qarajat tartý boıynsha jumys istep jatyrmyz», dep atap ótti spıker.

Onyń aıtýynsha, mýzeıge kirý bıletteriniń qunyn joǵarylatý máse­lesi kún tártibine qoıylǵan. О́ıtkeni 200-300 teńge kólemindegi baǵa búgingi naryq talaptaryna saı kelmeıdi.

Jıyn barysynda «Qalalyq týrızm ortalyǵy» ZTB atqarýshy dırektory Tatıana Vernıskaıa qalalyq týrızmdi damytýdy zertteý aıasynda anyqtalǵan birqatar problema týraly aıtty.

«Qazirgi kezde bizde taqyryptyq mýzeıler, naqty ǵylymdar mýzeıi jet­ki­liksiz. Kóp jaǵdaıda mýzeıler týr­­ope­ratorlardyń tapsyrysy boıy­n­­sha ta­qyryptyq ekskýrsııalardy daıyndamaıdy. Eger taqyryptyq ekskýrsııalar uıymdastyrylatyn bolsa, mýzeılerge kelýshilerdiń de sany artar edi. Sonymen qatar qazirgi tańda mýzeılerdiń kommersııalyq jaǵyn damytý ózekti másele bolyp tur», dedi kásipker.

Qolóner sheberleri odaǵynyń jetekshisi Aıjan Bekqulova mýzeıler qolóner sheberleri sheberlik sabaqtaryn ótkizý, kádesyı ónimderin jasaý jáne taqyryptyq is-sharalardy uıymdastyrý arqyly týrısterdi tarta alady dep paıym­daıdy.

Bıznes-qoǵamdastyq ókilderiniń bastamalaryna qaramastan, búginde mýzeılerdiń kommersııalyq qyzmetin damytýda ákimshilik kedergiler bar ekeni de aıtyldy.

«Qazirgi kezde «Mádenıet týraly» zańǵa ózgerister engizildi. О́zgeris­terge sáıkes aqyly qyzmetter tizimi aıtarlyqtaı qysqartyldy. Iаǵnı kádesyılardy satý endi múmkin emes. Al mýzeıdegi tamaqtaný oryndaryna keler bolsaq, munyń bárin mýzeıler emes, memlekettik múlik departamenti retteıdi. Biz olarǵa kórsetiletin qyz­met­terdiń sapasy týraly aıta basta­ǵanda, jalǵa alýshylar birden shý shyǵarady», dep atap ótti Ulttyq mýzeı dırektorynyń orynbasary Abaı Satybaldın.

Mınıstrlik ókilderi qazirgi ýa­qyt­ta mýzeılerdiń jumysyn jetil­­dirý úshin olardyń qyzmetin retteı­tin normatıvtik-quqyqtyq aktilerdi ózgertý boıynsha jumystar júrgizi­lip jatqanyn atap ótti. Keńes qorytyn­dysy boıynsha barlyq usynys jınalyp, mınıstrlikke jiberildi.