Almaty ákimi apparatynyń basshysy Asat Nurpeıisov «Almaty qalasyn basqarý shemasyn bekitý týraly» másele boıynsha máslıhat sessııasynda ákimdik basqarmalaryn qaıta ataý týraly usynys tastady, dep habarlaıdy Egemen.kz.
«Uıymdarda eńbek zańnamasynyń saqtalýyna memlekettik baqylaýdy qamtamasyz etý, qaýipsiz eńbek jaǵdaılaryna quqyqty qosa alǵanda, qyzmetkerlerdiń quqyqtary men bostandyqtaryn qorǵaý maqsatynda áleýmettik ál-aýqat basqarmasyn odan eńbek ınspeksııasy basqarmasyn bólý arqyly qaıta uıymdastyrý usynylady», dep málimdedi Nurpeıisov.
Sondaı-aq onyń aıtýynsha, kreatıvti ındýstrııa basqarmasyn joǵaryda atalǵan qoǵamdyq damý basqarmasynyń fýnksııalaryn bere otyryp, jastar saıasaty basqarmasy dep qaıta ataý usynylady.
Bul rette kreatıvti ındýstrııalardy damytý jónindegi fýnksıonal kásipkerlik jáne ınvestısııalar basqarmasyna beriletin bolady.
«Joba energotıimdilik jáne ınfraqurylymdyq damý basqarmasyn Energetıka jáne sýmen jabdyqtaý basqarmasyna, Turǵyn úı saıasaty basqarmasyn Kommýnaldyq ınfraqurylymdy damytý basqarmasyna, Jasyl ekonomıka basqarmasyn Ekologııa jáne qorshaǵan orta basqarmasyna, Jaıly qalalyq orta basqarmasyn Qurylys basqarmasyna, Qoǵamdyq densaýlyq basqarmasyn Qoǵamdyq densaýlyq saqtaý basqarmasyna qaıta ataýdy kózdeıdi», dep qorytyndylady Almaty ákimi apparatynyń basshysy.