Qazaqstandyq sportshy Marııa Agapova UFC alańyndaǵy kezekti jekpe-jeginde jeńilip qaldy, dep habarlaıdy Egemen.kz sports.kz saıtyna silteme jasap.
Búgin Amerıkanyń Las Vegas qalasynda ótken UFC týrnırinde Marııa ýkraınalyq Marına Morozben kezdesý ótkizdi. Asa jeńil salmaqtaǵy jekpe-jek úsh raýndqa sozylýy tıis edi, alaıda ekinshi raýndta Moroz tunshyqtyrý ádisin qoldanyp, qarsylasynan basym tústi.
Osylaısha Marına Moroz MMA-daǵy kásibı mansap jolynda on birinshi márte jeńis tuǵyryna kóterildi. Ol UFC promoýshnynda toǵyz aıqasqa shyqqan, alty ret jeńiske jetip, úsh márte jeńilis tapqan.
Al Marııa Agapova osymen úshinshi ret utylyp tur. Jalpy Agapova UFC alańynda eki márte jeńgen, eki ret jeńilgen.