Visa jáne Mastercard 5 naýryzda Reseıde jumysyn toqtatatynyn málimdedi. Eki kompanııa sanksııalardy qoldaı otyryp, reseılik bankter shyǵarǵan kartalar boıynsha qyzmetin toqtatady, dep habarlaıdy Egemen.kz RIA Novostı portalyna silteme jasap.
Mastercard korporasııasy reseılik bankter shyǵarǵan kartalardy Mastercard jelisi budan bylaı qoldamaıdy degen málimdeme jasady.
Sonymen qatar, Reseıden tys jerde shyǵarylǵan Mastercard kartalary Reseı aýmaǵynda jumys istemeıdi.
«Biz Reseıge qyzmet usynýdy toqtata turýdy sheshtik», delingen habarlamada.
Kompanııa zań boıynsha shekteýler bolmaǵan jaǵdaıda jáne olar oryndy dep tapqanda Reseıde jumysyn qaıta bastaıtynyn málimdedi.
Osyǵan uqsas málimdemeni Visa kompanııasy da jasady.
Al Sberbank halyqaralyq tólem júıeleriniń Reseıdegi jumysyn shekteýi Sberbank Visa jáne Mastercard kartalarynyń ishki jumysyna áser etpeıtinin habarlady. Biraq shetelde jáne sheteldik ınternet-dúkenderde reseılik Visa jáne MasterCard kartalarynan tólem jasaýǵa shekteý bolady.