Atyraýda jasy júzge kelgen keıýana óz úıiniń balkonynan qulap, qaza tapty. Bul týraly «Aq Jaıyq» gazeti habarlady.
Soǵys jyldaryndaǵy qıynshylyqty da bastan keshken, odan keıingi kezderdegi aýyrtpalyqtardy da ótkergen, sóıtip, júzge deıin aqylynan jańylmaı jetken Anfısa Zarshıkovanyń nege mundaı hálge dýshar bolǵanyn ázir eshkim bilmeıdi.
«28 naýryz kúni saǵat 14-30-ǵa taman Atyraýdaǵy Áýezov kóshesi boıyndaǵy №56 «a» úıdiń 4 qabatynan bir áıel jerge qulap, jantásilim etti», - dep habarlaıdy basylym.
Munyń ózin ózi óltirý me, álde baqytsyz oqıǵadan boldy ma, ony polıseıler anyqtaıdy.
Belgili boldǵandaı, Anfısa Isakovnany 8 naýryz kúni oblystyq jáne qalalyq ákimdikter basshylary 100 jasqa tolǵan mereıtoıymen quttyqtap ketken eken.
Murat Aıtqoja.
Derekkóz: Aq Jaıyq.
Foto: www.kovka.lviv.ua.