Mýamar Kaddafıdiń uly Saadı Kaddafı Lıvııa halqynan keshirim surady. Bul týraly ITAR-TASS agenttigi habarlady.
Túrmede jazasyn ótep jatqan S.Kaddafıdiń keshirim suraǵan beınejazbasy Lıvııa telearnalarynda kórsetildi. «Men Lıvııa halqyna jáne bıliktegi baýyrlaryma jasaǵan zulymdyǵym úshin, eldegi qaýipsizdik pen turaqtylyqty buzǵanym úshin keshirim suraımyn»,- dedi ol. Alaıda, túrme ákimshiligi ókiliniń málimdeýinshe, bul beınejazba S. Kaddafıge túrmede zorlyq kórsetildi degen qaýesetti joqqa shyǵarý maqsatynda túsirilgen syńaıly.
Aıta keteıik, S. Kaddafı ákesi ólerden bir aı buryn 2011 jyly Lıvııany tastap qashyp ketken bolatyn. Al ol naýryz aıynyń basynda Nıger elinde qolǵa túsip, Lıvııaǵa ekstradasııalandy.
S. Kaddafı buryn fýtbolshy retinde Italııanyń «Perýdja» men «Ýdıneze» komandalarynda oınady. Sondaı-aq Lıvııa áskeriniń polkovnıgi bolǵan.
Aıdar О́risbaev.
Derekkóz: Itar-tass.com.
Foto: www. Today.kz.