Búgin, 29 naýryz kúni Astananyń «Barysy» Ýfanyń «Salavat Iýlaev» komandasymen Qurlyqtyq hokkeı lıgasy pleı-off serııasynyń ekinshi raýndyndaǵy altynshy matchynda 2:3 esebimen utylyp, Gagarın kýbogy jolyndaǵy jarystan shyǵyp qaldy. Bul týraly ras.kz habarlady.
Ýfa qalasynda ótken kezdesýde alań ıeleri birinshi bolyp esep ashty. Ony oynnyń 4-mınýtynda Ivan Vıshnevskıı túsirdi. Biraq 13-mınýtta Konstanın Rýdenko men Nıkolaı Antropovtan pas alǵan Evgenıı Blohın tarazy basyn teńestirdi.
Matchtyń ekinshi kezeńinde hokkeıshiler shaıba soǵa alǵan joq. Al úshinshi kezeńde eki qaqpaǵa onyń úsheýi birden tústi. Aldymen 43-mınýtta ýfalyq Igor Mırnov óz komandasyn osy oıynda ekinshi ret alǵa shyǵardy. 52-mınýtta Anton Slepyshevtiń kúsh salýymen esep 3:1 boldy. Qonaqtarda osydan keıin sońǵy shaıbany salýdyń oraı keldi. Ony 57-mınýtta Naıdjel Doýs óz esebine jazdy.
Osylaısha serııadaǵy jalpy esep 4:2-ge jetti. Bul «Salavat Iýlaevtyń» alǵa shyqqanyn aıǵaqtap berdi.
Damır Qojamqul.
Derekkóz: ras.kz.
Foto: Vesti.kz.