Aq úıdiń AQSh Prezıdentin Saýd Arabııasy men Birikken Arab Ámirlikteriniń murager hanzadalarymen telefon arqyly sóılesýin uıymdastyrý áreketi sátsiz aıaqtaldy, dep habarlaıdy Egemen.kz.
Wall Street Journal Aq úıdegi joǵary laýazymda otyrǵan derekkózge súıene otyryp, Prezıdent Baıden Saýd Arabııasynyń taq murageri Muhammed ben Salman jáne Abý-Dabı Muhammed ben Zaıd ál-Nahaııanmen munaı naryǵyndaǵy jaǵdaıdy jáne benzın baǵasy jaıly sóıleskisi kelgenin jazdy.
Áńgime barysynda Ýkraınany halyqaralyq arenada qoldaý máselesi talqylanýy kerek edi.
Prezıdent ákimshiligi qansha tyrysqanymen telefon arqyly sóılesýdi uıymdastyrý múmkin bolmady.
Wall Street Journal esebine sáıkes, Baıden men murager hanzadalardyń qarym-qatynasy jaqsy emes. Saýd Arabııasynyń hanzadasy Vashıngtonnyń Iemendegi soǵysqa qatysty ustanymyna kóńili tolmaıdy. Bul bir ǵana mysal.