Erli-zaıypty Talap pen Sara Alfarıtovtardyń jeti balasy bar. Olar 30 sharshy metrlik baspanada turady. Otaǵasy Talap – ekinshi toptaǵy múgedek, eńbekke jaramsyz. Áıeli Sara da jumys istemeıdi. Bala tárbıesimen otyr.
Otbasynyń úlken qyzynyń tárbıesinde jalǵyz bala bar. Uly – kolledj stýdenti. О́zge balalary mektepte oqıdy.
– Bul otbasynyń áleýmettik jaǵdaıyn zerttep kórdik. Baspana salyp alýǵa jaǵdaıy kótermeıdi. Sol sebepten Inder aýdanynyń eriktileri vıdeo túsirip, áleýmettik jelide taratty. Birneshe kúnde úı satyp alýǵa qajetti qarjy jınaldy. Turǵyn úı Inder aýdanyndaǵy О́rlik aýylynan satyp alyndy. О́ıtkeni bul otbasy osy aýylda turady. Satyp alynǵan úı jeti bólmeli, barlyq jıhazben jabdyqtaldy. Sondaı-aq aýlada garaj, monsha bar. Úı dýalmen qorshalǵan, – deıdi volonter Ashat Tantaev.
Onyń aıtýynsha, bul – qınalǵan jandar úshin satyp alynǵan alǵashqy úı emes. О́tken jyly osyndaı kómek aýyldyń ózge turǵynyna kórsetilgen.
Atyraý oblysy