Qazaqstan Prezıdenti janyndaǵy Adam quqyqtary jónindegi komıssııanyń tóraǵasy, Parlament Májilisiniń depýtaty Qýanysh Sultanovtyń Birikken Ulttar Uıymynyń (BUU) Din jáne senim bostandyǵy máseleleri jónindegi arnaıy baıandamashysy Haıner Bılefeldtpen kezdesýi bolyp ótti.
Kezdesý barysynda taraptar Qazaqstandaǵy adam quqyqtarynyń ahýalymen qatar, árkimniń dinı senim bostandyǵy konstıtýsııalyq quqyqtarynyń saqtalýy máselelerin de qosa talqylady.
Q.Sultanov Konstıtýsııa boıynsha zaıyrly memleket bolyp tabylatyn Qazaqstannyń barlyq dinı konfessııalardyń erkin damýyna kepildik beretinin jáne dinı birlesý bostandyǵy quqyǵynyń saqtalýy salasyndaǵy qoldanystaǵy normalar men halyqaralyq mindettemelerdi osy qoǵamdyq qatynastardy retteýdegi quqyq qoldaný tájirıbesine ıe ekenin atap ótti.
Qazaqstannyń zańnamasy azamattardyń dinı senim bostandyǵyna quqyqtaryn iske asyrýyna kepildik beredi. Azamattyq jáne saıası quqyqtar týraly halyqaralyq pakt sııaqty qazaqstandyq zańnamada da adamnyń din ustaný nemese senimin taratý erkindigin júzege asyrýy tek qoǵamdyq tártip pen qaýipsizdikti, basqa azamattardyń ómirin, densaýlyǵyn, ımandylyǵyn nemese quqyqtary men bostandyqtaryn qorǵaý maqsatynda ǵana zańmen shektelýi múmkin ekendigi bekitilgen.
BUU-nyń arnaıy baıandamashysy Adam quqyqtary jónindegi komıssııanyń jańa quqyq qorǵaý jobalarymen, ishinara alǵanda jańa Qazaqstandaǵy adam quqyqtary salasyndaǵy 2020 jylǵa deıingi is-qımyl josparynyń ázirlenýimen jáne halyqtyń neǵurlym áleýmettik jaǵynan az qorǵalatyn toptarynyń quqyqtaryn qorǵaýdyń ózekti máselelerine qatysty daıyndalatyn arnaıy baıandamalardyń jobasymen tanysty.
BUU-nyń arnaıy baıandamashysy Adam quqyqtary jónindegi komıssııanyń quqyq qorǵaý qyzmetine oń baǵa berip, jańa jobalardy ázirleýde sáttilik tiledi.
О́z kezeginde Q.Sultanov BUU-ǵa adam quqyqtaryn qorǵaý jáne kótermeleý salasyndaǵy syndarly yntymaqtastyǵy úshin alǵys aıtty jáne Komıssııanyń adam quqyqtary salasyndaǵy odan ári syndarly yntymaqtastyqqa daıyn ekenin bildirdi.
«Egemen-aqparat».