Tólem jasaý jeńildeıdi

Memleket basshysynyń sot tóreligine qoljetimdilikti qam­ta­masyz etý jóninde Sýdıa­lar­dyń VI sezinde bergen tapsyr­ma­syn oryndaýǵa baǵyttalǵan sharalardyń biri retinde keshe Joǵarǵy Sot janyndaǵy sottar­dyń qyzmetin qamtamasyz etý departamenti men «Qazaqstan Halyq Banki» AQ arasynda yn­ty­maqtastyq týraly memorandýmǵa qol qoıyldy. Bul azamattardyń mem­lekettik alymdar men ákim­shilik aıyppuldardy tóleý amaldaryn jeńildetip, ýaqytty barynsha únemdeýge múmkindik beredi jáne sot aktilerin oryndaý sapasyn jaqsartady degen senim bar. Memorandým «О́zine-ózi qyz­met kórsetý jelisi arqyly tólem­der» jobasyn iske asyrýǵa baǵyttalǵan. Joba sheńberinde 2014 - 2018 jyldary ákimshilik aıyp­puldardy, memlekettik alym­dar men ózge de tólemderdi tólem termınaldary arqyly qabyl­daý júıesi iske qosylatyn bolady. Banktiń naqtylanǵan komıssııalyq somasy 50 teńgeni quraıdy (ekinshi deńgeıli ózge bankterde bul soma 200 teńgeni quraýy múmkin). «О́zine-ózi qyzmet kórsetý jelisi arqyly tólemder» jobasyn barlyq jergilikti sottar men respýblıka qalalarynda iske asyrý josparlanyp otyr. Qazirgi tańda tólem termınaldary Astana qalasyndaǵy úsh sotta: mamandandyrylǵan aýdanaralyq ákimshilik sotta, Almaty jáne Saryarqa aýdandarynyń sottarynda ornatylǵan. «Egemen-aqparat».