Áriptestik týraly memorandýmdar jasaldy

«Nur Otan» partııasy men «Qazaqstannyń Azamattyq alıansy» ZTB, Qazaqstannyń Ulttyq kásipkerler palatasy, Ardagerler uıymy men «Ardager» qoǵamdyq birlestiginiń arasynda partııalyq jobalardy júzege asyrýǵa baılanysty áriptestik týraly memorandýmdarǵa qol qoıyldy. Partııa hatshylary El­dar Syzdyqov pen Qumar Aq­sa­qalovtyń úkimettik emes uıym­dardyń birqatar basshylarymen ótkizgen kezdesýinde 12 partııalyq, onyń ishinde «Sátti qadam», «Jastar aýylǵa», «Aıqyn tarıf», «Kedergisiz keleshek», «Ardagerlerdi ardaqtaıyq» jáne basqa jobalardy júzege asyrýdyń máseleleri talqylandy. «Partııalyq jobalardy júzege asyrý partııa qyzmetiniń negizin quraıdy. Bul bir kúndik qana aksııa emes, 900 myńnan astam partııalyqtardyń – jergilikti jerlerdegi fılıaldardyń, barlyq deńgeıdegi depýtattardyń, partııa kýratorlarynyń, partııa bastaý­ysh uıymdarynyń tynymsyz eńbegi. Biz úshin bul jumysqa neǵurlym kóp qazaqstandyqtardyń tartylýynyń mańyzy zor. ÚEU jumysynyń tájirıbesi de óte mańyzdy», dep atap ótti Qumar Aqsaqalov. «Nur Otan» partııasy urpaqtar arasyndaǵy sabaqtastyqty saq­taýǵa, qoǵamdaǵy ynty­maq­tas­tyq, otanshyldyq, dás­túr men úlkendi syılaý sezi­min ny­ǵaı­týǵa baǵyttalǵan «Ardager­lerdi ardaqtaıyq» jobasyn jú­ze­ge asyryp keledi. Joba sheń­be­rinde keshendi sharalar uıym­das­tyrylady. Atap aıtqanda, egde adamdardyń jınaǵan tájirıbesi men alǵan bilimin jas urpaqqa úıretetin túrli alańdar qurý jos­parlanyp otyr. «Nur Otan» partııasynyń qatardaǵy múshelerinen turatyn eriktileri men «Jas Otan» belsendileriniń ár ardagermen júrgizetin kúndelikti jumysy pikir almasýdyń jandanýyna muryndyq bolady. Mysaly, «Jas Otan» jastar qanatynyń erik­tileri Internasıonalnyı ken­tinde turatyn eńbek tylynyń maıdangeri Baǵıla Adıqanovaǵa baryp qaıtty. Jastar birneshe saǵat boıy ardagerdiń aýlasyn jınap, úıiniń ishin árleý jumysyna qolǵabys tıgizdi. Onyń syrtynda joba sheńberinde egde adamdardy belsendi áleýmettik ómirge aralastyrýǵa baılanysty ju­mys­tar jasaldy. Ol ınternette ju­mys isteýdegi kompıýterlik saý­­at­tylyqqa oqytatyn semınar­lar. Atap ótkenimizdeı, 2014 jyly «Nur Otan» naqty áleýmettik toptardyń máselesin – ardagerler, egde adamdar, múgedekter, jastar, balalar, analar men bıznestiń máselelerin sheshýge baǵyttalǵan 12 iri partııalyq jobany júzege asyrýda. «Egemen-aqparat».