Qazaqstan Respýblıkasy men Seıshel araldary respýblıkasynyń arasynda dıplomatııalyq qatynastar ornatyldy. Nıý-Iorkte Qazaqstan Respýblıkasy men Seıshel araldarynyń BUU janyndaǵy Turaqty ókilderi Qaırat Ábdirahmanov pen Marı-Lýıza Potter eki memleket arasynda dıplomatııalyq qatynastar ornatý týraly birlesken kommıýnıkege qol qoıdy.
Qol qoıý rásimi kezinde ekijaqty deńgeıde yntymaqtastyqtyń bolashaǵy týraly jáne Qazaqstan men Seıshel úshin qyzyǵýshylyq týdyratyn BUU kún tártibindegi mańyzdy máseleler boıynsha pikir almasý ótti. Solardyń ishinde teńizge shyǵa almaıtyn, kishi araldy elder máselesin sheshý, Turaqty damý maqsattaryn jasaý, qorshaǵan ortany qorǵaý, klımattyń ózgerýi máselesi jáne t.b. bar. Taraptar memleketter arasynda týrızm, bilim berý, saýda jáne óńirlik naryqtarǵa jol ashý salalaryndaǵy ózara tıimdi baılanystardy keńeıtýdiń mańyzdylyǵyn atap ótti. Osy jylǵy qyrkúıekte Qazaqstannyń da qatysýy josparlanyp otyrǵan Damýshy kishi araldy elderdiń sammıtine erekshe nazar aýdaryldy.
Seıshel – EKSPO-2017 mamandandyrylǵan kórmesin ótkizýde Astana qalasynyń kandıdatýrasyn qoldaǵan Afrıka óńirindegi alǵashqy memleketterdiń biri. Seısheldiń BUU janyndaǵy Turaqty ókili, ásirese, damýshy elder úshin energetıka, energııa resýrstarynyń jetispeýshiligi máselelerin sheshýdegi EKSPO-2017 kórmesiniń mańyzdy rólin atap ótti.