Jaryq dúnıeni kórý baqyty buıyrmaǵandar taǵdyr tálkegine qaramastan qol qýsyryp otyrǵan joq. Qazaq soqyrlar qoǵamy Talǵar oqý-óndiristik birlestiginde eńbek etetin zaǵıptardyń máselelerine oblys ákimi túsinistikpen qarap, onyń oń sheshilýin baqylaýyna alǵan. Oblystyq jumyspen qamtýdy úılestirý jáne áleýmettik baǵdarlamalar basqarmasynyń bastyǵy Q.Aldabergenov óndiris ornynda bolyp, kembaǵal jandardyń muń-muqtajyna qulaq túrdi.
Aýyrtpalyqqa moıymaı, óz kúnderin kórýge talpynǵandar kásiporynda kir bastyrǵyshtar men malǵa arnalǵan syrǵa, júzden astam túıme túrlerin jasaýǵa mekeme, kásiporyndardan tapsyrys alypty. Kelisim-shartty oryndaýǵa den qoıǵan olardyń tabystary da jaqsy. Sonymen birge, oblys ákiminiń tapsyrmasymen jeke kásipkerler olarǵa 1 mln. 470 myń teńgeniń kómegin kórsetipti. Ár otbasyna qosymsha qarjylaı qamqorlyq jasalǵanyn da aıtqan jón.
Kezdesýde kásiporyn jumysshylary Quralaı Altaeva, Madııar Janysbekov, Seıithan Nurataev jáne basqalary ózderine jasalǵan qamqorlyqqa rahmetin aıtyp, tolǵandyrǵan ózge de máselelerin ortaǵa saldy.
Kúmisjan BAIJAN,
Almaty oblysy.