Qazaqstannyń birinshi, álemniń 33-raketkasy Aleksandr Býblık Indıan-Ýells masters týrnıriniń úshinshi aınalymyna shyqty, dep habarlaıdy Egemen.kz.
Júlde qory 8,5 AQSh dollarynan asatyn jarystyń 31-raketkasy bolyp tirkelgen A.Býblık dodany ekinshi aınalymnan bastap, kezinde reıtıngte kósh bastaǵan «Úlken dýlyǵa» týrnıriniń úsh márte, eki dúrkin Olımpıada chempıony, ulybrıtanııalyq Endı Marreımen kezdesti.
Bıyl A.Býblık Rotterdamda E.Marreıden jeńilip qalǵan bolatyn. Bul joly eki saǵatqa jýyq ýaqytqa sozylǵan tartysty básekede qazaqstandyq tennısshi qazirgi kezde reıtıngte 88-orynda turǵan ataqty qarsylasyn 7:6 (11:9), 6:3 esebimen utty.
A.Býblık match barysynda 11 eıs jasap, 5 breık-poınttyń bireýin paıdalandy. E.Marreı 4 eıspen shekteldi. A.Býblık úshinshi aınalymda álemniń 35-raketkasy, bolgarııalyq Grıgor Dımıtrov nemese reıtıngte 78-satydaǵy aýstralııalyq Djordan Tompsonnyń bireýimen talasady.