Sınoptıkter 15 naýryzǵa arnalǵan aýa raıy boljamyn usyndy. Elimizdiń basym bóliginde qatty jaýyn-shashyn kútiledi, dep habarlaıdy Egemen.kz.
«Respýblıkanyń soltústik jartysynda - qarly boran, ońtústik jartysynda - jańbyr, ońtústiktiń, ońtústik-shyǵystyń taýly aımaqtarynda jańbyr men qar jaýady. Elimizde jeldiń kúsheıýi, tuman, kóktaıǵaq kútiledi. Respýblıkanyń ońtústiginde - naızaǵaı oınaıdy», delingen «Qazgıdromet» RMK habarlamasynda.
Aqmola oblysynyń batysy men shyǵysynda boran soǵyp, túnde jáne tańerteń tuman túsedi.
Almaty oblysynyń soltústiginde jáne taýly aýdandarynda tuman kútiledi, túnde oblystyń shyǵysynda jeldiń jyldamdyǵy 15-20 m/s jetedi.
Túrkistan oblysynyń ońtústiginde jáne taýly aýdandarynda tuman, naızaǵaı kútiledi, jel 15-20 m/s kúsheıedi.
Soltústikte, Jambyl oblysynyń taýly aýdandarynda tuman, kóktaıǵaq, oblystyń taýly aýdandarynda jel 15-20 m/s kúsheıedi.
Aqtóbe oblysynyń soltústik-batysynda, Soltústik Qazaqstan oblysynyń ońtústiginde, batysynda burqasyn kútiledi.
Batys Qazaqstan oblysynyń soltústiginde, Atyraý oblysynyń shyǵysynda, Mańǵystaý oblysynyń soltústik-shyǵysynda tuman, kóktaıǵaq kútiledi.
Qostanaı oblysynyń ońtústiginde, batysynda, túnde batysta, Shyǵys Qazaqstan oblysynyń ońtústiginde, túnde jáne tańerteń Pavlodar oblysynyń ońtústiginde, Qyzylorda oblysynyń soltústiginde tuman kútiledi.