Iordanııa astanasy – Ammanda ótip jatqan bokstan jastar men jasóspirimder arasyndaǵy Azııa chempıonatynyń birinshi kúngi fınalynda Qazaqstan quramasynyń 13 boksshysy óner kórsetip, alty altyn, jeti kúmis medal jeńip aldy.
Erler arasynda synǵa túsken Aıdar Qadyrhan (52 kg), Tórehan Sabyrhan (57 kg), Ahmet Úsen (63 kg) jáne Sanjar-Álı Begalıev (66 kılo) qarsylastarynan basym túsip, Azııa chempıony atandy. Tórehan Sabyrhan men Sanjar-Álı Begalıev О́zbekstan men Irannan kelgen qarsylastaryn tehnıkalyq nokaýtpen jeńdi. Al Muhammed-Álı Janbolat (75 kg) pen Aslan Eldibaıuly (80 kılodan joǵary) kúmiske qol jetkizdi.
Al qyzdar arasyndaǵy fınaldyq básekede eki boksshymyz tamasha óner kórsetip, týrnır jeńimpazy atandy. Atap aıtqanda, Arýjan Janǵabaeva (66 kg) men Quralaı Eginbaıqyzy (80 kılodan joǵary) Iordanııa jáne Úndistan boksshylaryn jeńip, altynnan alqa taqty. Sonymen qatar Karına Toqýbaı (50 kg), Uldana Taýbaı (60 kg), Nursulý Súıenáli (63 kg), Roksolana Valıeva (70 kg) jáne Shuǵyla Nálibaı (75 kg) altyn júldege qol sozym qalǵan jerde súrinip, sary qurlyq birinshiliginiń kúmis júldegeri atandy.