Nıettestik baǵdarlamasynyń pılottyq jobasy sheńberinde 2022 jylǵy 14 naýryzdan bastap satylymǵa «Altyn» dıskonttyq kartasy shyǵarylady. Bul Talgo jolaýshylar poıyzdary men standartty vagondarda 25% jeńildikpen júrýge arnalǵan.
Ol úshin jolaýshylarǵa kartany «Jolaýshylar tasymaly» AQ bılet kassalarynan 19 999 teńgege satyp alý jáne qyzmetti bir jyl boıy paıdalaný qajet.
Bıletterdi oflaın/onlaın satyp alý kezinde kartany paıdalanýǵa bolady. Ol derbes bolyp tabylady jáne 15 jastan asqan jolaýshylarǵa resimdeledi.
Joba pılottyq bolǵandyqtan kartalar sany shekteýli.
Barlyq qosymsha aqparatty «Jolaýshylar tasymaly» AQ bılet kassalarynda dıskonttyq kartany resimdeý jáne satyp alý kezinde naqtylaýǵa bolady.
Jol júrý qujattaryn (bıletterin) satý tek bir ǵana jeńildiktik tarıftik sharty boıynsha júzege asyrylady jáne basqa jeńildikti tarıftik sharttarmen jınaqtalmaıdy.
Jeńildigi bar jolaýshylardy temirjol bıletterin resimdeý jáne satyp alý kezinde muqııat bolýdy jáne «jeńildikter» nemese «tómendetilgen baǵalar» sanatyn durys tańdaýdy suraımyz.