Aqparat jáne qoǵamdyq damý mınıstri Asqar Omarov Barlyq medıa qaýymdastyqqa paıda ákeletin BAQ týraly jańa zańnyń sapasy boıynsha jumys isteıtinin atap ótti, dep habarlaıdy Egemen.kz.
Mınıstrdiń aıtýynsha, ázirleý kezinde jýrnalıstik uıymdar men qoǵamdastyqtardyń pikirleri eskeriletin bolady.
«Tapsyrma berildi, barlyq medıa qaýymdastyqqa paıda ákeletin jańa zańnyń sapasy boıynsha jumys isteıtin bolamyz. Múmkindiginshe qysqa merzimde jasaýǵa tyrysamyz», dedi Aqparat jáne qoǵamdyq damý mınıstri Asqar Omarov.
Onyń aıtýynsha, kez kelgen elde árqashan óz maqsattary bar túrli toptarmen yntymaqtasa alatyn belgili bir toptar bar.
«Men naqty bir BAQ týraly aıta almaımyn. Meniń oıymsha, bul bizdiń elimizde ǵana emes, jalpy alǵanda, osyndaı úrdis bar dep aıtyldy. Memleket basshysy da osyǵan oraı tapsyrma berdi», dedi Asqar Omarov.
Memleket basshysy halyqqa Joldaýynda memlekettiń múddelerin, qoǵamnyń suranystaryn jáne medıa salanyń damý tendensııalaryn eskere otyryp, buqaralyq aqparat quraldary týraly zańdy qaıta qaraý qajet ekenin aıtqan bolatyn.
«BAQ – bılik pen halyq arasyndaǵy kommýnıkasııanyń tıimdi arnasy. Olar qoǵamnyń ózekti máselelerin kótere alady jáne kóterýi kerek. Biraq muny úlken azamattyq jaýapkershilikpen jasaý kerek», dedi Qasym-Jomart Toqaev.