16 naýryzdan bastap О́zbekstan Qazaqstan jáne Tájikstanmen ortaq shekaradaǵy ótkizý beketterinde birqatar karantındik sharalardy alyp tastaıdy, dep habarlaıdy Egemen.kz О́zbekstannyń Týrızm jáne mádenı mura mınıstrligine silteme jasap.
Vedomstvonyń habarlaýynsha, bul týrızmdi tez arada qalpyna keltirý úshin jasalyp otyr.
«О́zbekstannyń Qazaqstanmen shekarasyndaǵy barlyq ótkizý beketteri arqyly eki el azamattaryn erkin ótkizý boıynsha barlyq shekteýler alynady», dep habarlaıdy vedomstvo ókilderi.
Vaksına pasporty nemese sertıfıkaty bar azamattar PTR-testin tapsyrmaı-aq elge erkin kire beredi. Atalǵan qujaty joq azamattar 72 saǵat ishinde jaramdy PTR-testiniń nátıjesin kórsetýi nemese shekaradan ótip, О́zbekstan aýmaǵyna kirgen kezde ekspress-test tapsyrýy kerek.
Sonymen qatar О́zbekstannyń Týrızm mınıstrligi О́zbekstan men Tájikstan aralyǵynda kólik qozǵalysyna qoıylǵan shekteýlerdiń alynatynyn málim etti. Tájikstan Respýblıkasymen shekaralas ótkizý beketteriniń jumysyn jandandyrý boıynsha tıisti sharalar qabyldanyp jatyr.
Eske sala keteıik, 2022 jyldyń 15 qańtarynda omıkron shtamynyń taralýyna baılanysty eki el azamattaryna Qazaqstan men О́zbekstan shekarasynan ótýge shekteý qoıylǵan.