Qalalyq bilim basqarmasynyń basshysy Qasymhan Senǵazıev Nur-Sultan qalasynda balabaqshalardyń aı saıynǵy aqysy qaıta qaralatynyn habarlady, dep jazady Egemen.kz.
«2016 jyldan beri balabaqshalarydń tólemaqysy ózgergen joq. Iаǵnı, ata-analar aı saıyn memlekettik balabaqshalarda bir balaǵa 16 800 teńge, al jeke balabaqshalarda 20 800 teńge tólep otyrǵan. Bul somaǵa tek balanyń tamaǵy kiredi. Balalar balabaqshada tórt mezgil tamaqtanady. Bul ereje memlekettik jáne jeke menshik balabaqshalarǵa ortaq. Osyǵan baılanysty, biz qazir tólem mólsherin qaıta qarap, esepteýler júrgizip, jańa qujattar daıyndaýdamyz», dep túsindirdi Q.Senǵazıev.
Onyń aıtýynsha, qujattar daıyn bolǵan kezde olardy qoǵamdyq talqylaýǵa, keıinnen qalalyq máslıhattyń qaraýyna usynady. Jańa qujattar maquldanǵan jaǵdaıda balabaqshalar úshin tólem mólsheri ózgeredi. Biraq, bul tek memlekettik balabaqshalarǵa qatysty. Jeke menshik balabaqshalarǵa qatysty bul másele jeke qaralady.