Pavlodar oblysynyń ákimi Ábilqaıyr Sqaqov Nurlan Dúısembınovty Aqsý qalasynyń jańa ákimi retinde tanystyrdy, dep habarlaıdy Egemen.kz Pavlodar oblysy ákiminiń baspasóz qyzmetine silteme jasap.
О́ńir basshysy Janat Shuǵaevtyń densaýlyq jaǵdaıyna baılanysty óziniń ótinishi negizinde qyzmetinen bosatylǵanyn atap ótip, oǵan belsendi jumysy úshin alǵysyn bildirdi.
Ábilqaıyr Sqaqov jańadan saılanǵan ákimge birinshi kezekte Aqsý qalasynda jańa qazandyqty paıdalanýǵa berýdi tapsyrdy. Sonymen qatar, Nurlan Dúısembınovke Pavlodar oblysynyń 2022 jylǵa arnalǵan is-qımyl baǵdarlamasynda belgilengen áleýmettik bastamalardy baqylaýǵa alý qajet. Olardyń qatarynda oblys ákimi bilim berý salasy, jastar máselesi, ShOB qoldaý jáne t.b. máselelerdi atap ótti.
Nurlan Dúısembınov oblystyq Tekserý komıssııasynyń tóraǵasy bolyp eńbek etti. 2016 jyldan 2017 jylǵa deıin Aqsý qalasynyń ákimi qyzmetin atqardy. Keıinnen Pavlodar oblysy qarjy basqarmasynyń basshysy bolyp jumys istedi. 2020 jylǵy naýryzdan bastap jańa taǵaıyndaýǵa deıin Pavlodar oblysy ákimi apparatynyń basshysy qyzmetin atqardy.