Jyl basynan beri údemeli ındýstrııalyq-ınnovasııalyq damý jónindegi aımaqtyq úılestirý keńesiniń otyrystary jıirek ótkizilip keledi. Munyń bir sebebi, kezek kúttirmeı talqyǵa salatyn qyzyqty jobalardyń kóbeıe túsýi bolyp otyr. О́ńirlik qana emes, odan da aýqymdy problemalardy sheshetin jobalardyń alǵa tartylýlary az emes. Solardyń ishinde jaqynda qaralǵan úsh joba kópshilikti qyzyqtyrdy.
Oblys ákiminiń birinshi orynbasary Serik О́teshev atalǵan keńeste baıan etkendeı “ Nomad” JShS moıynǵa artqan astyqty tereń óńdeý óndirisin qurý bul salada úlken ózgeristerge qozǵaý salady. Osy isti atqaratyn zaýyttyń qurylysyn keshiktirmeı qolǵa alý úshin fırmanyń ózderi usynǵan jobanyń oblystyń ındýstrııalandyrý kartasyna enýin qalaıtyndyǵy aıtyldy. Jan-jaqty taldaný barysynda iri baǵdarlama ekeni bilindi. Ol jylyna 4200 tonna astyqtyń qurǵaq kleıkovınasyn, sondaı-aq 22800 tonna taýarly sırop pen 27800 tonna azyq qosymshalaryn shyǵarýǵa múmkindik bermek kórinedi. Buǵan bosa-bolmasyn tıisti shıkizat oblys kóleminen molynan tabylady. Máselen, óńdeý úshin kleıkovınasy 30 paıyzdan aspaıtyn bıdaı qajet. Munyń ózi osyndaı sortty ósiretin sharýa qojalyqtaryna ónimderin tikeleı ótkizýge óte qolaıly jaǵdaı týǵyzady.
Keńeste ony iske asyrýdy maqsat etýshiler talaby qoldandy. Sonymen qatar tehnologııalyq gazdardy tazalaý jabdyqtaryn óndirý jáne kómir tunbasyn qaıta óńdeý jobalarynyń mańyzdylyǵy da nazar aýdartty. Munyń aldynda qaralǵandarymen birge arasynan eń tıimdilerin irikteý osy aıda aıaqtalady. Tańdalǵandary “Bıznestiń jol kartasy-2020” baǵdarlamasy boıynsha iske asyrylady.
Aıqyn NESIPBAI,
QARAǴANDY.