QR Aýyl sharýashylyǵy mınıstri Erbol Qarashókeev sýbsıdııalaýdyń biryńǵaı memlekettik aqparattyq júıesin engizý merzimin atady, dep habarlaıdy Egemen.kz.
«Jergilikti atqarýshy organdar sýbsıdııalaý normatıvterin bekitý jumystaryn jandandyryp, sýbsıdııalaýǵa bólinetin qarajattyń tolyq ıgerilýin qamtamasyz etýi qajet», dedi Erbol Qarashókeev Úkimet otyrysynda.
«Mınıstrlik óz tarapynan fermerlik qoǵamdastyqpen birlesip agroónerkásiptik keshendi memlekettik qoldaýdyń tásilderin qaıta qaraý jónindegi jumysty jalǵastyrady, sondaı-aq qazirgi ýaqytta Aqmola oblysynyń bazasynda testilenip jatqan sýbsıdııalaýdyń jańa biryńǵaı memlekettik aqparattyq júıesin qoldanysqa engizý jónindegi jumysty jedeldetetin bolady. Ony ekinshi jartyjyldyqtan bastap qoldanysqa engizýdi josparlap otyrmyz», dedi mınıstr.
Buǵan deıin mınıstr fermerlerge jeńildetilgen nesıe berý týraly aıtqan bolatyn.
«Kóktemgi egis jumystaryn júrgizý úshin aýyl sharýashylyǵy óndirýshileri «Keń dala» baǵdarlamasy arqyly 70 mlrd teńge kóleminde jeńildetilgen nesıe berýmen jáne azyq-túlik korporasııasyn 80 mlrd teńge kóleminde forvardtyq satyp alýmen qamtamasyz etildi. Bul rette forvardtyq satyp alý bıyl 2 esege artty», dedi Aýyl sharýashylyǵy mınıstrliginiń ókili.