Álemniń eń baqytty elderin anyqtaǵan World Happiness Report reıtıngisinde Fınlıandııa besinshi ret qatarynan birinshi bolyp keledi. Qazaqstan bul reıtıngte 40-shy orynda tur, dep habarlaıdy Egemen.kz.
Reıtıngtiń top-10 qataryna Danııa, Islandııa, Shveısarııa, Nıderlandy, Lıýksembýrg, Shvesııa, Norvegııa, Izraıl jáne Jańa Zelandııa kirdi.
11-den 15-shi oryndarda Avstrııa, Avstralııa, Irlandııa, Germanııa jáne Kanada kórindi.
16-shy orynda AQSh (2021 jyly 14-shi), 17-shi orynda Ulybrıtanııa (2021 jyly 18-shi).
Fransııanyń reıtıngtegi orny ótken jylmen salystyrǵanda ózgerissiz qaldy – 20-shy oryn.
Sondaı-aq, World Happiness Report reıtıngine burynǵy KSRO elderi kirdi: Lıtva (34-shi) jáne Estonııa (36-shy) jaqsy kórsetkishterge ıe.
Bıyl Qazaqstan 5 tarmaqqa kóterilip, 40-orynǵa turaqtady(2021 jyly 45-shi oryn).
Reıtıng boıynsha Latvııa 42-shi, О́zbekstan – 53-shi, Moldova – 62-shi, Qyrǵyzstan – 64-shi, Belarýs – 65-shi, Túrikmenstan – 78-shi, Armenııa – 82-shi, Tájikstan – 83-shi, Ázirbaıjan – 92-shi, Ýkraına – 98 – shi, Grýzııa-105-shi.
Bıyl Reseı reıtıngtegi pozısııasyn nasharlatyp, 80-shi orynǵa tómendedi.
Eń baqytsyz elder Lıvan (145-shi oryn) men Aýǵanstan (reıtıngtiń sońǵy joly) bolyp tanyldy.
Bıylǵy jyly quramyna 146 el kirgen World Happiness Report jyl saıynǵy baıandamasyn BUU-nyń Turaqty damý sheshimderin izdeý jónindegi bólimshesi jasady. Elder halyqtyń ómir súrý uzaqtyǵy, áleýmettik qoldaý, memleketterdiń sybaılas jemqorlyqqa qarsy kúresi, azamattardyń ómirlik mańyzdy sheshim qabyldaý múmkindigi sııaqty kórsetkishter boıynsha baǵalanady. Dúnıejúzilik baqyt týraly esep alǵash ret 2012 jyly jaryq kórdi.