Soltústik Qazaqstan oblysynyń prokýratýrasy «2-Jylý-elektr ortalyǵy» JShS dırektory men bas ınjeneri qamaýǵa alynǵanyn habarlady, dep jazady Egemen.kz.
SQO prokýratýrasy usynǵan málimetke qaraǵanda, ustalǵan azamattarǵa qatysty QR Qylmystyq Kodeksiniń 254-baby «Mindetterine adal qaramaý» boıynsha qylmystyq is qozǵaldy.
21 naýryzda SQO polısııasy «2-JEO» JShS dırektory men bas ınjenerin ustap, Petropavl qalasy polısııa basqarmasynyń ýaqytsha ustaý ızolıatoryna qamady.
«Sotqa deıingi tergep-tekserý aıasynda osy is boıynsha barlyq mán-jaılardy anyqtaýǵa baǵyttalǵan tergeý áreketteri júrgiziledi. Tergeý barysyn oblys prokýrory men PD bastyǵy baqylaýǵa aldy. Sonymen birge oblys prokýratýrasy baqylaýshy organdardyń qyzmetine taldaý júrgizedi, onyń nátıjeleri boıynsha jaýapty laýazymdy tulǵalardyń is-áreketterine baǵa beriledi», delingen habarlamada.
Apat kezinde habar-osharsyz ketken jumysshy áıeldi izdeý jumystary búgin tańǵy saǵat 8:00-de qaıta bastaldy.
Eske sala ketsek, Petropavlda jylý elektr ortalyǵynyń bir murjasy qulap ketken.
Oqıǵa ornynda jumysshylardyń bireýi habar-osharsyz ketken.
Oblys ákimi JEO-daǵy tútin murjasynyń jartylaı qulaýyna baılanysty jedel shtab qurdy.
Memleket basshysy oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy.