Baýyrlas elderdiń basyn qosty

Túrki akademııasynyń jańa ǵıma­ratynda ótken taǵylymdy bas­qosý­ǵa Halyqaralyq Túrki akade­mııa­synyń prezıdenti Darhan Qydyráli, Qyrǵyz Respýblıkasynyń Qazaq­standaǵy Tótenshe jáne ókilet­ti elshisi Dastan Dıýshekeev, О́zbek­stan Respýblıkasynyń Qazaqstan­daǵy Tótenshe jáne ókiletti elshisi Saıdıkram Nııazhodjaev, Túrik­men­stannyń Qazaqstan Respýb­lıka­syndaǵy Tótenshe jáne ókiletti el­shisi Batyr Redjepov, Majarstan­nyń Qazaq­stan Respýblıkasyndaǵy Tóten­she jáne ókiletti elshisi Otto Ivan Rona, Mońǵolııanyń Qazaqstan Respýb­lıkasyndaǵy Tótenshe jáne ókiletti elshisi Dorjıın Baıarhúú, Tájikstan Respýblıkasynyń Qazaq­standaǵy Tótenshe jáne óki­letti elshisi Haırýllo Ibodzoda, Túrkııa­­nyń Qazaqstan Res­pýb­lıkasyn­­daǵy Tótenshe jáne óki­letti elshi­si Ýfýk Ekıdjı, Ázer­baı­jannyń Qazaqstan Respýblı­ka­syndaǵy Tótenshe jáne ókiletti elshisi Aǵalar Atamoǵlanov, Qazaqstan Parlamenti Máji­lisiniń depýtattary, birqatar BAQ basshylary, ulttyq mádenı or­ta­lyq jetekshileri, zııaly qaýym ókilderi qatysty.

Saltanatty basqosýǵa jınalǵan­dar Túrki mýzeıimen tanysyp, Tájik­stan­nyń Qazaqstandaǵy elshiligi uıym­das­tyrǵan kórmeni tamashalady. Kór­mege tájik halqynyń ulttyq qol­óner buıymdary men Naýryz meıramynda usynylatyn as mázirleri qoıylǵan.

Basqosýdy júrgizip otyrǵan Akademııa basshysy Darhan Qydyráli jańarý men jańǵyrý meıramynda Barys jylyna Jańa Qazaqstan retinde nyq qadam basqanymyzdy atap ótip, Memleket basshysynyń bıylǵy Joldaýy tarıhı ózgeristerge jol ashatyn mańyzdy jańalyq bolǵanyn aıtty.

Quttyqtaý sóz alǵan memleket jáne qoǵam qaıratkeri Ádil Ahmetov jı­nal­ǵandardy jyl basy – áz Naýryz meı­ramymen quttyqtady.

Osydan keıin mártebeli meımandar ult ustazy A.Baıtursynulynyń týǵanyna 150 jyl tolýyna oraı Túrki akademııasy ázirlep shyǵarǵan «Ahmet Baıtursynuly jáne Alash» kitabynyń qazaq-orys jáne aǵylshyn tilindegi nusqalarynyń tusaýkeser rásimine kýá boldy. Aıta ketý kerek, atalǵan jınaqqa Ahańnyń 50 jasqa tolǵan mereıtoıynda jasalǵan tarıhı baıandamalar men zamandas­tary­nyń, izbasarlary men búgingi býyn zertteýshileriniń mazmundy maqalalary toptastyrylǵan. Kitap­tyń aǵylshyn tilindegi basylymy Qazaqstannyń Chehııadaǵy elshiligimen birlesip daıyndalǵan.

Jańa basylymdardy tanystyrǵan Halyqaralyq Túrki akademııasynyń basshysy Darhan Qydyráli bıylǵy jyl túrki álemi úshin resmı túrde «Ahmet Baıtursynuly jyly» dep jarııalanatynyn atap ótti.

О́z kezeginde quttyqtaý sóz sóı­legen Tótenshe jáne ókiletti el­shiler saltanatty basqosý­dy uıym­dastyrýshylarǵa rızashylyq­taryn bildirip, Naýryz meıramyna oraı izgi tilekterin jetkizdi.

Budan ári qatysýshylar túrki álemin­de ejelden Naýryz meıramyn atap ótý saltyna saı tóske balǵa soǵyp, Jyl basyn qarsy alý rásimin jasady. Túrki akademııasy bul yrymdy jyl saıyn oryndap, ıgi dástúrge aınaldyryp keledi.

Merekelik is-shara  meımandary Túrki akademııasy arnaıy jasaq­taǵan kıiz úıge kirip, Ulystyń Uly kúnine oraı daıyndalǵan dastarqan­nan dám tatty. Atap ótý kerek, taǵylymdy is-sharaǵa qatysyp jatqan árbir el­shilik dastarqanǵa ózderiniń ulttyq taǵamdaryn ákelgen. Akademııa basshysy mártebeli meımandardy kıiz úıdiń quramymen jáne áshekeılerimen tanystyrdy.

Qatysýshylarǵa Túrki akademııa­synyń arnaıy syılyqtary tartý etildi.