Joǵary bilimdi de jańǵyrtý qajet

Joǵary jáne joǵary oqý ornynan keıingi bilim berý uıym­darynyń rektorlary keńesi­niń tóraǵasy, «L.N.Gýmılev atyndaǵy Eýrazııa ulttyq ýnıversıteti» KeAQ basqarma tóraǵasy – rektor Erlan Sydyqov «Jańa Qa­zaqstan» tujyrymdamasy aıa­syn­da joǵary bilim berýdi jań­ǵyrtýdyń basym mindetterine nazar aýdardy. Akademık ýnı­ver­sıtettik bilimdi qaıta qaras­tyryp, el Prezıdentiniń joǵary bilim berý salasyn damytý jó­ninde bergen naqty tapsyrmalaryn iske asyrý boıynsha sharalar keshenin usyndy. Atap aıtqanda, akademık joǵary oqý oryndarynyń óndirispen ózara is-qımylyn kúsheıtý, bilim berý baǵdarlamalaryn jaqsartý, jo­ǵary oqý oryndaryn álemdik qaýym­­dastyq kóshbasshylarymen ın­tegrasııalaý boıynsha basym sharalar qabyldaýdyń mańyz­yn atap ótti.

«Stýdentterdi óndiristik táji­rıbege qabyldaıtyn uıymdardyń, kásiporyndardyń, mekemelerdiń ulttyq tizilimin qurýdy usyna­myn. Bul rette tájirıbe zamanaýı tehnologııalyq jelileri men zamanaýı tehnologııalyq ınnovasııalary bar jerde ótkizilýi tıis. О́ndiristik tájirıbeniń ýaqytyn kem degende eki esege arttyryp, oǵan joǵary oqý oryndarynyń jetekshi pedagogteri men ǵylymı qyzmetkerlerin ǵana basshy retinde bekitý kerek», dedi rektorlar keńesiniń tóraǵasy.

Otyrysqa qatysýshylar bel­sendi qoǵam qaıratkerlerin tarta otyryp, ýnıversıtetterde qo­ǵamdyq senimniń akademııalyq keńesterin qurý máselesin tal­qylady.

EUÝ rektory joǵary oqý oryn­darynyń ǵylymı-sarap­tama­lyq áleýetin paıdala­ný­dyń mańyzdylyǵyn aıta ke­lip, qoǵamdyq pikirdi zertteý orta­lyqtaryn ashýdy usyndy. Reb­ren­dıng aıasynda Qazaqstan halqy Assambleıasy kafedra­la­ryn óńirlik jáne etno-máde­nı damý problemalaryn zert­teıtin ǵylymı-analıtıkalyq ortalyqtarǵa ózgertý týraly ıdeıany jarııa etti.

Sondaı-aq ol keıbir óńirlik joǵary oqý oryndaryna ulttyq ýnıversıtet mártebesin berý máselesine de toqtaldy. «Bizde osy mártebege laıyqty ýnıversıtetter barshylyq. Bul óńirlerde joǵary bilim berýdiń jańa lokomotıvterin qalyptastyrýǵa úlken serpin beredi», dedi rektorlar keńesiniń tóraǵasy.

Elimizdiń joǵary oqý oryn­daryndaǵy stýdenttik ómirdiń is-sharalar keshenin jańartý, atap aıtqanda, stýdenttik is-sharalar kúntizbesin keńeıtý usynyldy. Máselen, 5 qyrkúıek – belgili ǵalym, saıasatker, aǵartýshy Ahmet Baıtursynovtyń týǵan kúnin «Stýdent jastar kúni» dep belgileý qajettigi aıtyldy.

Ǵalymdar gýmanıtarlyq jáne áleýmettik mamandyqtar úshin ǵana bolǵan «Rýhanı jańǵyrý» baǵdarlamasy boıynsha «100 jańa oqýlyq» jobasyn tehnıkalyq, jaratylystaný ǵylymdary jáne medısınalyq mamandyqtar boıynsha jalǵas­tyrý máselesin qozǵady.

Otyrys barysynda belgili mamandar, ǵalymdar, sportshylar men óner qaıratkerleri úshin biliktilik kýrstaryn ótkizý úshin «Tálimger» ulttyq baǵ­darlamasyn qalyptastyrý týraly usynys jasaldy.

Qazaqstandyq bilim berýdi jáne otandyq joǵary oqý oryn­daryn damytýǵa qatysty M.Qo­zybaev atyndaǵy Soltústik Qa­zaq­stan ýnıversıtetiniń rektory Erlan Shýlanov aıtty. Onyń aıtýynsha, bilim berý salasyna jahandaný jáne jedel sıfr­landyrý áser etedi. Spı­ker qazaqstandyq bilim berý na­ryǵynda jańa sheteldik oıyn­shylardyń paıda bolýy elimizdiń joǵary oqý oryndaryn transformasııalaý sıklyn jáne joǵary oqý oryndary arasyndaǵy báse­ke­lestikti jedeldetetinin atap ótti.

Safı О́tebaev atyndaǵy Aty­raý munaı-gaz ýnıversıtetiniń rek­tory Gúlzada Shakýlıkova she­tel­dik joǵary oqý oryndarymen yntymaqtastyqty damytýdyń jáne bilim transferti úshin fılıaldar ashýdyń mańyzdylyǵyna toqtaldy.

Rektorlar keńesiniń otyrysynda UǴA akademıgi, Satbayev University (Q.Sátbaev atyndaǵy Qazaq ulttyq tehnıkalyq zertteý ýnıversıteti) burynǵy rektory, aty ańyzǵa aınalǵan «Dos-Muqasan» ansambliniń negizin qalaýshy, kórnekti ǵalym Dosym Súleevke «Qazaqstannyń Qurmetti rektory» ataǵyn berý týraly sheshim biraýyzdan qabyldandy.

Sondaı-aq otyrys aıasynda kór­­nekti tulǵanyń ómiri týraly «О́ne­­geli ómir» serııasyndaǵy fılm men kitaptyń tusaýkeseri ótti.

Is-shara sońynda EUÝ stýdent­terine D.Súleev, M.Mol­dabekov, A.Elibaev jáne S.Baı­janov atyndaǵy ataýly stı­pendııalar tabystaldy.