Tabıǵat – tirshilik ataýlynyń qutty qonys-mekeni, tirshiliktiń túlep ósýine qajet, jer betine kórik bergen sáni. Halqymyzda tabıǵat degen sóz jer, týǵan jer, atameken uǵymdarymen qatar turady. Árbir azamat tabıǵat aldynda ózin jaýapty, barlyq janýardy kıeli sanap, ózen, kól jaǵalaýlaryn taza ustap, bulaq kórse kózin ashyp, jastaıynan balalarynyń sanasyna sińirip, boılaryn jaqsylyqqa úıretken.
Jalpy, Qazaqstan topyraǵy kıeli, qunarly. Qorshaǵan ortanyń bútindigin saqtaý úshin, adamnyń, onyń moraldyq, etıkalyq daǵdylaryn ózgertip, tabıǵat pen adam arasynda jańa kózqaras qalyptastyrý qajet. Árbir qoǵam múshesi tabıǵat qubylystary zańdylyqtarymen tanys bolýy kerek. Ekologııalyq saýatsyzdyqty joıý Úkimetimizdiń halyq arasynda júrgizetin mańyzdy máselelerine aınalýy tıis.
Tabıǵatty qorǵaý qarapaıym dúnıeden bastalady dep oılaımyn. Máselen, jas urpaqty tabıǵatty qorǵaýǵa tárbıeleý ulttyq negizdegi balabaqshadan bastalady. Tabıǵat pen qorshaǵan ortany qorǵaýdyń joldaryn uǵyndyrý, jalpy halyqtyń ekologııalyq saýatyn ashý, jastarǵa úzdiksiz bilim berý nátıjesinde ǵana sheshiledi. Biz bárimiz de tabıǵatty qorǵaýda, saqtaýda jáne ony durys paıdalanýda urpaq aldynda, tarıh aldynda jaýaptymyz.
Mine, osy turǵydan barlyq jetkinshikke ekologııalyq tárbıe men bilim berý – olardyń durys dúnıe taný kózqarasyn qalyptastyrady. Qashan da tabıǵatty aıalaıyq. Ol óktemdikti kótermeıdi. Tabıǵatqa adal bolaıyq, al adaldyq tabıǵat úılesimindegi qatynastardyń shynaıylyǵy men tabıǵılyǵyn aıqyndaıtyn kategorııa ekeni sózsiz. «Tabıǵatsyz adamzattyń kúni joq, ony aıtýǵa tabıǵattyń tili joq» dep halyq danalyǵynda aıtylǵandaı, tabıǵatty qorǵaý bizdiń mindetimiz, bolashaq urpaqqa qaldyrar baılyǵymyz. Sondyqtan tabıǵattyń janashyry bolý ár adamnyń mindetti boryshy ekenin bilip júreıik!
Baǵdat ABDRAHMANOV,
«Tarbaǵataı» memlekettik ulttyq tabıǵı parkiniń orman sheberi
Shyǵys Qazaqstan oblysy