Shymkent aspazdyq ortalyqqa aınalady

«Naýryz – Shymqalada» merekelik baǵdarlamasy aıasynda ótken «DámDásTour» tuńǵysh restorandar jár­meń­kesine jergilikti Wok-Wok, BarVilka, «Bahchı-Saraı», «Káýsar», Kók-Saray, ThePAPA, «Ladýshkı», «19.06» «Madlen», The secret, Happy cake, «Afrasıab», «Kofe molka», «Blınchık» syndy 50-ge jýyq tamaq­taný orny qatysty. Qala ákimi Murat Áıtenov jár­meńkede bolyp, tamaqtaný oryndarynyń ujymyna al­ǵysyn aıtty. Restoran ókil­deri daıyndaǵan taǵamdar 6 nomınasııa boıynsha sarapqa salyndy. Qazylar alqasynyń sheshimimen jeńimpazdardy qala ákiminiń orynbasary Maqsut Isahov marapattady. Naqtyraq aıtsaq, «Úzdik Fast-Food» atalymy boıynsha «Kofe molka» , «Úzdik samsa» – «Kamal ata», «Úzdik káýap»  – «Safarı», «Úzdik kondıterlik ónim» – «Madlen», «Úzdik naýryz kóje» – «Blınchık», «Úzdik palaý» – «Afrasıab» restorandary jeńimpaz atandy. Jeńimpazdarǵa qarjylaı syı-sııapattar tabys etildi.

Jármeńke barysynda me­rekelik kesh uıym­das­tyrylyp, ánshi Argonya jáne Metis,s toby men qalaǵa tanymal óner juldyzdary án shyrqady. Sondaı-aq kelýshiler arasynda konkýrstar men oıyndar uıymdastyryldy. Ká­sipkerler arnaıy da­ıyn­daǵan merekelik taǵam­da­ryn satylymǵa qo­ıyp, tabys kóziniń ósýine múm­kindik aldy. Sondaı-aq jármeńkege ke­lýshi qala tur­ǵyndary men qonaqtary «Shymkent shaıynan» tegin dám tatty. Qalanyń 2200 jylǵa jýyq tarıhy sheńberinde iske asqan shara – Qazaqstan Rekordtar kitabyna (Qazaqstandyq Aqparattyq-Ensıklopedııalyq anyq­ta­­malyq) engizý boıynsha, gas­trorekordqa usynyldy. Ahmad tea óndirýshileriniń qol­daýymen daıyndalǵan shaı 2200 adamǵa taratyldy.

Osylaısha Shymkent qalasynda alǵash ret júzege asqan shara jergilikti qo­ǵam­dyq tamaqtaný oryn­da­rynyń básekelestigin arttyryp, ser­vıs­tik qyzmettiń jandana túsýine múmkindik berdi.

Shymkent