21 aqpan kúni keshke Reseı prezıdenti Vladımır Pýtın Ýkraınanyń shyǵysyndaǵy Donesk jáne Lýgansk halyq respýblıkalaryn moıyndaý týraly jarlyqqa qol qoıyp, ásker jiberý týraly buıryq bergen. Buǵan Donbasstaǵy jaǵdaıdyń shıelenisýi sebep bolyp otyr. Al Ýkraına prezıdenti Vladımır Zelenskıı Reseıdiń bul áreketin «Ýkraınanyń aýmaqtyq tutastyǵyn buzý» dep atady.
Osy rette áleýmettik jeli qoldanýshylary ártúrli pikir jazyp, óz oılarymen bólisip jatyr. Abdýlahad Smanov feısbýkte óz oıymen bólisip, pikir bildirdi.
«Keı adamdar soltústiktegi kórshimiz Ýkraınadan soń bizge de tıisýi múmkin ekenin aıtyp, el-jurtty úreılendirip jatqanyn baıqap qalyp jatyrmyn.
Menimshe, ata-babalarymyzdyń jasaǵan duǵasynyń jemisi bolsa kerek, qazaq halqyna - Alla Taǵalanyń meıiri túsken halyq.
Elimiz táýelsizdiktiń alǵashqy jyldary syndarly, qıyn kezeńderdi bastan ótkerdi. Táýelsizdik alǵan jyldary elimizdegi halyq sanynyń 38 paıyzyn ǵana qazaqtar quraǵan. Búginde elimizdegi etnoquram boıynsha qazaqstardyń sany 70% paıyzǵa jaqyndap qaldy. Sondaı-aq, Qazaqstannyń tuńǵysh prezıdenti, Elbasy Nursultan Nazarbaev kórshiles eldermen shekaramyzdy shegendedi.
«Táýelsizdik alǵan Qazaqstannyń aldynda taǵdyrsheshti tańdaý turdy. Jas memleket álemdik geosaıasattaǵy ornyn anyqtap alýǵa tıis edi. Bul týraly Elbasy bylaı dep eske alady: «Qazaqstan qandaı el bolady? Azııa men Eýropanyń arasyna kópir bola ma? Nemese «Soltústik – Ońtústik» osine aınala ma?»
Búginde jaǵdaı tipten kúrdeli, Qazir elimiz kópvektorly halyqaralyq saıasat ustanyp otyr. Memleket basshysy Qasym-Jomart Toqaev: «Egemendik degenimiz – jalań uran men jalyndy sóz emes. Biz úshin eń mańyzdysy – ár azamattyń Táýelsizdik ıgiligin sezine alýy. Onyń basty kórinisi – eldegi beıbit ómir, qoǵamdaǵy turaqtylyq pen tynyshtyq. Sondaı-aq, halyqtyń turmys sapasynyń jaqsarýy jáne jastardyń bolashaqqa nyq senimmen qaraýy», dedi.
Endeshe, biz óskeleń urpaqty barsha jurt maqtan tutatyn tarıhı tulǵalardyń taǵylymy arqyly tárbıeleýimiz kerek», deıdi Abdýlahad Smanov.