Kezinde eki salmaq dárejesinde álem chempıony atanǵan AQSh boksshysy Tımotı Bredlı orta salmaq dárejesinde baq synap júrgen otandasymyz Jánibek Álimhanulynyń shebirligine tánti ekenin aıtty, dep habarlaıdy Egemen.kz sports.kz-ke silteme jasap.
«Sharshy alańda bar bolǵany 11 kezdesý ótkizgen Jánibek Álimhanulynyń sheberligi adamdy tánti etpeı qoımaıdy. Ol ýaqytty durys sezinedi, qarsy soqqylardy der kezinde jumsaıdy. Ásirese onyń qarymta shabýyldary kóz súısintedi. Boksshylardy múlt ketýge májbúrleıtinine rızamyn. Qarsylastarynyń soqqysyn qaıtaryp baryp, óziniń dál soqqylaryn darytatyny da naǵyz sheberliktiń úlgisi der edim. Qysqasy, qazaqstandyq solaqaı boksshy óz isiniń sheberi. Osyndaı naǵyz boksshylardyń sheberligine rıza bolmasqa amalyń qalmaıdy», dedi ol Espn.com-ǵa bergen suhbatynda.