Halyqaralyq shaıbaly hokkeı federasııasy mamyr aıynda Fınlıandııanyń Helsınkı jáne Tampere qalalarynda jalaýy jelbireıtin 85-shi álem chempıonatynyń baǵdarlamasyna azdaǵan ózgeris engizgenin málimdedi.
Atap aıtqanda, IIHF álem birinshiliginiń A jáne V tobynda ornalasqan Reseı men Belarýs quramalaryn saıası jaǵdaıǵa baılanysty jarystan resmı túrde shettetip, atalǵan eki eldiń ornyna Fransııa jáne Aýstrııa hokkeıshilerin birinshilikke qatystyratyn boldy. Al basqa erejeler óz kúshinde qaldy. Iаǵnı chempıonat qorytyndysy boıynsha eki topta sońǵy oryn alǵan eki komanda ádettegideı IA dıvızıonyna túsedi.
Osylaısha, álem chempıonatynyń A tobynda Qazaqstan quramasy Kanada, Germanııa, Shveısarııa, Slovakııa, Danııa, Italııa jáne Fransııa komandalarymen oınaıtyn boldy. Al V tobynda Fınlıandııa, AQSh, Chehııa, Shvesııa, Latvııa, Norvegııa, Ulybrıtanııa jáne Aýstrııa quramalary óner kórsetedi.
Aıta keteıik, shaıbaly hokkeıden eresekter arasyndaǵy álem chempıonaty mamyrdyń 13-29 aralyǵynda Fınlıandııanyń «Hartvall-arena» jáne «Nokıa Arena» muzaıdyndarynda ótedi.