Tanymal medıamenedjer, jýrnalıst Batyr Kákimjanuly Qazybaev 53 jasyna qaraǵan shaǵynda dúnıeden ozdy, dep habarlaıdy Egemen.kz.
Kórnekti jýrnalıst, jazýshy Kákimbek Qazybaev pen belgili ustaz Orynsha Qarabalına-Qazybaevanyń shańyraǵynda 1969 jyly 6 qańtarda dúnıege kelgen ol áke jolyn qýyp, otandyq jýrnalıstıka salasynda eleýli jetistikterge qol jetkizdi. Atap aıtqanda, Batyr Kákimjanuly birqatar telearnany, birneshe radıostansany, gazetter men veb-portaldardy biriktiretin medıaholdıngti 10 jyldan astam basqaryp, ózin bilikti medıamenedjer retinde kórsete bildi.
2017 jyly Qazaqstan Medıa Alıansynyń quryltaıshylarynyń biri ári Basqarma múshesi boldy.
Ol negizin qalǵan telearna, radıostansalar, ınternet-jobalar áli kúnge deıin tabysty jumys istep tur.
Batyr Qazybaev uzaqqa sozylǵan syrqatynan qaıtys boldy.