Qazaqstan-Japonııa: О́zara yntymaqtastyqtyń jańa belesi

Elordada Qazaqstandaǵy Japo­nııa elshiligi japon ımpe­rato­rynyń týǵan kúni qurmetine sal­tanatty qabyldaý ótkizdi. Nur-Sultanda ótken salta­nat­ty jıynǵa Qazaqstan Respýb­lı­kasy Syrtqy ister mınıs­triniń birinshi orynbasary Shah­rat Nuryshev, qazaqstandyq depý­tattar men elimizdegi dıploma­tııalyq mıssııa ókilderi qatysty.

Japonııanyń ulttyq meı­ramyn toılaý kezinde Qazaqstan men Japonııa arasyndaǵy dıp­lo­matııalyq qatynastardyń orna­ýyna 30 jyl tolǵany atap ótildi.

Ashylý rásiminde Qazaqstan Ánuranyn mýzykalyq aspapta  oryndaǵan Japonııanyń Qazaq­standaǵy elshisi Djýn Iаmada eki el ara­syn­daǵy tyǵyz baılanysty, dostyq qa­rym-qatynasty erekshe atap ótti. Is-shara barysynda «Kaga­mı­varı» dep atalatyn japon­nyń ulttyq sakesi quıylǵan bósh­keni jarý saltanaty ótkizildi. Qaty­­sý­shylar japon halqynyń máde­­nıetimen jaqynyraq tany­sýǵa múmkindik aldy.

Jalpy, Qazaqstan men Japo­nııanyń dıplomatııalyq qarym-qatynas ornatýyna 30 jyl tolýy keń kólemde atalyp ótip jatqanyn aıta ketý kerek. Naýryz meıramy qarsańynda Japonııadaǵy Qa­zaq­stan elshiligi japonııalyq árip­testeriniń qatysýymen dóńgelek ústel uıymdastyrdy.

Dóńgelek ústel barysynda Qazaqstan Prezıdenti Qasym-Jomart Toqaevtyń Qazaqstan halqyna Joldaýynyń negiz­gi tustary talqylandy. Qaty­sý­shylarǵa júzege asyrylyp jat­qan saıası jáne áleýmettik-ekono­mıkalyq reformalardyń bary­sy týraly baıandaldy. Qazaq­standy odan ári damytýǵa jáne qoǵamymyzdy demokratııa­lan­dyrýǵa yqpal etetin sýperpre­zıdenttik formadan kúshti par­la­menttik respýblıkaǵa kóshý sııaqty mańyzdy saıası bastamalarǵa erekshe nazar aýdaryldy. 

О́z kezeginde, qatysýshylar eki­­jaqty yntymaqtastyqtyń jaı-kúıi men bolashaǵyn tal­qy­lap, Qazaqstan men Japonııa ara­syn­­daǵy ózara yqpaldastyqty keńeı­týdiń jańa baǵyttaryn belgiledi.

Sonymen qatar Qazaqstan Pre­zı­denti Q.Toqaevtyń Jar­ly­ǵymen HH ǵasyrdyń basyn­daǵy qa­zaq zııalylarynyń tarı­hyn zert­­teýshi, Hokkaıdo ýnıver­sıte­tiniń professory Tomo­hıko Ýıa­maǵa II dárejeli «Dos­tyq» orde­ni jáne 1993-1996 jyl­dar araly­ǵynda Qazaq­standa qyzmet atqar­ǵan Japo­nııanyń Qazaq­stan­daǵy tuń­ǵysh elshisi Akı­ra Ma­sýıge «Qazaq­stan Táýel­siz­digine 30 jyl» mereı­toılyq medali tapsyryldy.

Al Qazaqstandaǵy Japonııa elshiligi elimizde túrli mádenı is-sharalar uıymdastyryp, ózara baılanystardy nyǵaıtýǵa atsalysyp keledi. Jaqynda Qazaq ulttyq horeografııa akademııasy, elimizdegi Japonııa elshiligi jáne Japonııa úkimetiniń mádenıet isteri agenttigi birlesip, zamanaýı bıden dáris ótkizdi. Onlaın is-shara eki el arasyndaǵy mádenı baı­lanysty arttyryp, Qazaqstan men Japonııadaǵy zamanaýı bı­diń qazirgi damýyn talqylaýǵa ar­naldy.

Japonııanyń zamanaýı bıi týraly japon mádenıetiniń ókili, professor Akıko Kıtamýra aıtyp berdi. Al ónertaný ǵylymdary­nyń kandıdaty, Qazaq ulttyq horeografııa akademııasy rejıs­serlik kafedrasynyń aǵa oqytý­shysy Anvara Sadyqova qazaq bıiniń qalyptasýy men damýy týraly baıandady. Osylaısha, eki el arasyndaǵy mádenı baılanys tereńdeı túsip, bı óneriniń damýy jaıly qundy maǵlumat berildi.

Bilim berý salasy men joǵary oqý oryndary arasyndaǵy baıla­nysty nyǵaıtý baǵytyndaǵy is-sharalar munymen shektelmedi. Naýryz aıynda Qazaqstan Japon tili muǵalimderi qaýymdastyǵy men Japonııanyń Qazaqstandaǵy elshi­ligi birlesip, 23-shi qazaq­standyq japon tili boıynsha she­shendik óner baıqaýyn ótkizdi. Baıqaýǵa Ál-Farabı atyndaǵy Qazaq ulttyq ýnıversıteti, Abylaı han atyndaǵy Halyq­aralyq qatynastar jáne álem tilderi ýnıversıteti, L.N.Gý­mılev atyndaǵy Eýrazııa ulttyq ýnı­versıteti, Ichıkava japon tili mektebi jáne Qazaqstan-Japonııa adamı damý ortalyǵynan 16 stýdent qatysyp, japon tilinde baıandama jasady. Sýkýba ýnıver­sıteti is-sharanyń demeý­shisi retinde sóz saıysyna qaty­sý­shylarǵa syılyq tabys etti. Qazaq­standa japon tilin úırený­shilerdiń tájirıbe almasýyna jol ashqan is-shara eki eldiń bilim berý salasyndaǵy ózara baılanysyn arttyra tústi.

Osylaısha, Qazaqstan men Ja­ponııa arasyndaǵy túrli saladaǵy ózara yntymaqtastyq jańasha sıpat alýda.