Atyraý oblysynda ınklıýzıvti teatr ashylady, dep habarlaıdy Egemen.kz.
«Inklıýzıvti teatr - bul fızıkalyq jáne psıhıkalyq damý erekshelikteri bar adamdar sahnalaıtyn qoıylym. Bizdiń qala úshin jáne tutastaı alǵanda búkil Qazaqstan úshin bul áleýmettik ońaltýdyń jańa baǵyty. Joba bastamashylaryna «Biz de adambyz» QQ qatysty. Jalpy, teatr qurý ıdeıasy Qor rezıdentteri arasynda saýalnama júrgizgennen keıin týdy. Bul rette tıisti jaǵdaılar jasalmasa múgedektigi bar adamdardy áleýmettendirý múmkin emes», dedi «Biz de adamby» qorynyń jetekshisi Gúlnaz Qosmurzıeva.
Onyń aıtýynsha, ınklıýzıvti teatr aıasynda 4 shyǵarmashylyq úıirme óz jumysyn bastaıdy. Atap aıtqanda: vokal, bı, akterlik sheberlik jáne sóıleý boıynsha túzetý-damytý jumystary.
Jyl sońyna deıin teatr ártisteri eki teatr qoıylymyn qoıyp, eki shyǵarmashylyq kesh uıymdastyrady dep kútilýde.
Gúlnaz Kosmýrzıeva atap ótkendeı, bolashaqta ınklıýzıvti teatrdy áleýmettik kásipkerlikke aınaldyrý maqsaty qarastyrylýda, osylaısha ártister turaqty tabys taba alady.