Amerıkalyq bapker Djoel Dıas otandasymyz Gennadıı Golovkın men meksıkalyq Saýl Alvares arasynda ótýi múmkin úshinshi jekpe-jek jaıly pikir bildirdi, dep habarlaıdy Egemen.kz Fight Hub TV-ǵa silteme jasap.
«Týrasyn aıtsam, eki boksshy arasyndaǵy úshinshi jekpe-jek men úshin túk te qyzyq emes. Eki kezdesýdi kórdik, kóńilge kóp jaıdy túıdik. Gennadıı Golovkın az kúnnen keıin qyryq jasqa tolady. Úshinshi shaıqas ótken jaǵdaıda «Kanelonyń» Golovkındi soqqynyń astyna alǵanyn ǵana kóremiz. Úshinshi kezdesýdi tórt-bes jyl kútpeı, ekinshi jekpe-jekten soń birden ótkizgende jaǵdaı basqasha bolar edi. Qazir «Kanelo» naǵyz sporttyq babyna ense, Golovkın qartaıyp qaldy. Ashyǵyn aıtsaq, Golovkın Sergeı Derevıanchenkony jeńgen joq. Al Sergeı Derevıanchenkonyń deńgeıi «Kanelonyń» deńgeıin mańaılaı almaıdy. Boksshy qyryqqa kelgen kezde ábden sharshaǵany bilinedi. Sondyqtan da trılogııanyń túkke keregi joq», dedi bapker óz oıyn túıindep.