«Egemen Qazaqstan» gazetiniń 16 sáýirdegi №51 sanynda jazýshy Danesh Ahmetulynyń «Qalamger kómekke muqtaj» atty redaksııaǵa jazǵan haty jaryq kórdi. Oqydyq. Hat kóp oı saldy.
Men zeınetke shyqqaly 20 jyl boldy. Alatyn aı saıynǵy zeınetaqym 70 myń teńge. Bul nege jetedi? Bir bóligi páteraqyǵa ketedi. Qalǵany iship-jemge, kıim-keshek pen basqa da asa muqtajdyqtarǵa jumsalady. Sonda meniń qolymda kók tıyn aqsha qalmaıdy.
Men – shyǵarmashylyq adamymyn. Túrli taqyrypqa arnap poezııalyq týyndylar jazamyn. Jazǵandarymdy merzimdi baspasóz jarııalap turady. Biraq sol gazet betine shyqqan maqalalarǵa kók tıyn almaımyz. Biz qalyń buqaraǵa arnap jazǵan eńbegimiz úshin qalamaqy alǵan emespiz. Zeıneaqymyz mardymsyz bolǵandyqtan, qalyń qaryzdyń qorshaýynda qaldyq. Kitap shyǵady, oǵan da túk almaımyz. Demalys oryndaryna barý (sanatorıı, kýrort) jaıyna qaldy. Osy joqtyqpen ómirimiz ótip barady...
Osyǵan baılanysty bizdiń ótinishimizdi eskerip, memlekettiń zeınet jasynan asqan aqyn, jazýshylarǵa kómek kórsetýlerin ótinemiz.
Búbishhan TIKEBAEVA,
Qazaqstan Jazýshylar odaǵynyń múshesi, aqyn