Italııanyń Keza-ın-Valmalenko qalasynda frıstaıl-mogýldan jasóspirimder arasyndaǵy álem birinshiligi aıaqtaldy.
Atalǵan jarysty Qazaqstan quramasy úsh júldemen qorytyndylady. Osyǵan deıin Anastasııa Gorodko jekelegen saıysta jáne Fedor Býgakovpen birge aralas juptar jarysynda kúmis medaldy enshilegen edi. Birinshiliktiń sońǵy kúni paralleldi mogýldan ótken básekede dál osy 16 jastaǵy qyzymyz altynnan alqa taǵyp, alystaǵy Apennın túbeginde Qazaq eliniń ánuranyn shyrqatty.
Qazirgi kezde barsha maman Anastasııanyń áleýetin joǵary baǵalap, keleshekte onyń zor tabystarǵa qol jetkizetinine erekshe senim bildirýde. Oǵan bizdiń de kúmánimiz joq. Byltyr Gorodko Almatyda ótken álem birinshiliginde kúmis medal alyp, bıyl Beıjińdegi Olımpııa oıyndaryna qatysty.