TAǴYLYMDY TÝYNDYLAR

Qazaqstan Respýblıkasy Kons­tıtýsııasynyń 15 jyl­dyǵy men el Táýelsiz­­diginiń 20 jyldyq merekesi qarsańynda “Nur Otan” HDP Otany­myz­dyń qol jetken naqty jetis­tikterin, Elbasy­nyń memleket­ti qalyptastyrý­daǵy orasan eń­bek­terin ashyp kórsetetin keń kólemdegi is-sharalar júrgizýde. Atalǵan shara aıasynda “Nur Otan” partııasynyń Aq­mo­la oblystyq fılıaly “Taǵylym­dy kitap­tar tartýy” aksııasyn ót­kizýde. Igi bastama oblystyq, qala­lyq jáne joǵary oqý oryn­dary kitap­hana­laryna san-sa­la­ly ta­qy­ryp­tardy qam­tıtyn áde­bıet­­ter men oqý qu­ral­daryn sal­ta­­nat­ty syı­ǵa tar­tý rá­simi­men bas­taldy. Fı­lıal tó­r­aǵa­sy­nyń bi­rin­shi oryn­­­­­­­basa­ry Ǵa­lym Shoı­kın Maǵ­­jan Ju­ma­baev atyn­daǵy ǵylymı-praktı­ka­lyq kitaphana­sy­nyń dı­rektory Nurıla Shashkeno­va­ǵa, Kókshetaý qala­lyq aqparattyq-kitap­hana júıe­siniń dırektory Mánshúk Saıdalı­naǵa, Shoqan Ýálı­hanov atynda­ǵy memlekettik ýnı­versıtettiń pro­rektory Ama­naı Seıit­qasy­mov­qa, Abaı Myrzah­­metov atyn­da­ǵy ýnı­ver­sı­tettiń ókili Balqııa Beko­novaǵa kitaptar toptamasyn tabys etti. Bul kóptomdyq kitap­tar “Táýel­sizdik shejiresi”, “El­ba­­sy jolda­dy – eli qoldady”, “Álem Qazaq­stan týraly. Álem Prezı­dent týraly”, “Elmen syr­la­sý” serııa­larymen jaryq kórgen. Ásem bezendirilgen kitaptar Qazaqstan Táýelsizdiginiń alǵash­qy kúnderinen bastap asa mańyz­dy tarıhı oqıǵalardy hronolo­gııa­lyq tártippen baıandaıtyn­dyqtan, bul dúnıelerdiń ǵylymı jáne tárbıelik qundylyǵy orasan ekendigi atap kórsetildi. Baqbergen AMALBEK, Aqmola oblysy.