Balalar án salyp, bı bıledi

Demalys kúnderine josparlan­ǵan festıval «Mýzyka álemi» kon­sertimen bastalyp, Sergeı Pro­kofevtiń «Petıa men Qasqyr» sım­fonııalyq ertegisi, Kamıl Sen-Sanstyń «Janýarlar karnavaly» zoologııalyq fantazııasymen jalǵasty.

Aıta keteıik, festıvaldyń saltanatty ashylýynda balalar­dyń ózderi júrgizýshi bolyp, teatr juldyzdarymen bir sahnada óner kórsetti. Baǵdarlamaǵa engen konsertter men spektaklder qazaq jáne orys tilderinde ótti.

– «Balalar aptalyǵyna» qyzy­ǵýshylar kóp boldy. Teatrǵa balalaryn alyp keletin ata-analarǵa mýzykaǵa degen mahabbatty ba­la­lyq shaqtan bastap sińirý kerek­tigin túsingenderi úshin rızamyz. Festıval baǵdarlamasyna balalar teatr jumysyn bastaǵan sátten-aq unatqan konsertter men spektaklder endi. Festıval tanymal kompozıtor T.Beısembektiń «Samuryq kelgen tań» mýzykalyq ertegisiniń kórsetilimimen jabyldy. Bul – kóktem, Naýryz, jaq­sylyq pen kún, baqyt pen bala kúlkisi jaıly hıkaıa. «Balalarǵa arnalǵan klassıkalyq mýzyka apta­lyǵy» festıvali jyl sa­ıyn ótkiziledi degen úmittemiz ári onyń baǵdarlamasyn jańa kon­sert­termen baıytýǵa daıynbyz, – deıdi Ádebı-mýzykalyq jumys departamentiniń dırektory Mar­jan Jákenova.

Sondaı-aq onyń aıtýynsha, fes­tıval afıshasynda kórsetilgen konsertter tizimine Kúlásh Baı­seıitova atyndaǵy Kameralyq zaldyń repertýaryndaǵy mýzy­ka­lyq baǵdarlamalardyń barlyǵy derlik enbegen. Máselen, aǵartý­shylyq sıpatta, shamamen 20 konsert ótkizilse, solardyń aıasynda balalarǵa aspaptardyń túrli toptary, opera daýystarynyń túrleri tanystyryldy.

Memleket basshysy Qasym-Jomart Toqaev balalar – memle­ketimizdiń jarqyn bolasha­ǵy­nyń kepili ekenin tilge tıek etip, olarǵa aıryqsha kóńil b­ó­lý kerektigin aıtqan bolatyn. Osy oraıda «Astana Opera» teatryn­da bastaý alǵan jańa jo­ba balalardyń ónerge degen qy­zyǵýshylyǵyn arttyryp, shy­ǵar­mashylyq qyrlarynyń ashy­lýyna sep bolmaq.