Memleket basshysy Úkimettiń qarjy-ekonomıkalyq salada atqaryp jatqan jumystarynyń negizgi baǵyttary týraly esebin tyńdady, dep habarlaıdy Egemen.kz Aqordaǵa silteme jasap.
Memleket basshysynyń tapsyrmalaryna sáıkes kedendik ákimshilendirý isin jetildirý boıynsha qabyldanyp jatqan jedel ári júıeli sharalar, sheteldegi qarjyny qaıtarýdy jáne elden aqshany jylystatýǵa qarsy is-qımyldardyń naqty tetikteri pysyqtalyp jatqany týraly aıtyldy.
Qasym-Jomart Toqaevqa memlekettik qarjynyń qazirgi jaǵdaıy, jalpy eldiń áleýmettik-ekonomıkalyq damýy týraly aqparat berildi.
Erulan Jamaýbaev ekonomıkany monopolııadan aryltý jáne 2022 jylǵy respýblıkalyq bıýdjetti naqtylaý boıynsha júrgizilip jatqan jumystar týraly baıandady.
Kezdesý sońynda Memleket basshysy birqatar naqty tapsyrma berdi.