Tárbıeli bala – qoǵamnyń jetistigi

О́tken jyly otbasy múshe­le­ri­niń jaýapkershiligin arttyrý, bala tárbıesin kúsheıtý, mektep pen ata-ana arasyndaǵy baılanys­ty nyǵaıtý maqsa­tyn­da «Senimen Bolashaq» respýb­lı­ka­lyq ata-analar qoǵamdyq birlestigi qurylǵan bolatyn. Jar­ty jyldan astam ýaqyt ishin­de 13 myńnan astam ata-anany ıgi iske jumyldyra bilgen birlestiktiń Almaty qala­syn­­da da ókildigi ashylyp, qoǵam qaı­ratkerleri, ustazdar sanaly ur­paq tárbıeleý máselesin tal­qy­laý úshin bas qosty.

Ulttyq kitaphanada ótken jıyndy birlestik tóraǵasy Ra­qym­bek Jolaev ashyp, óńir­ler­de ata-analarmen tyǵyz baılanys ornatý maqsatyndaǵy is-sharalarǵa toqtalyp ótti.

R.Jolaevtyń aıtýynsha, tá­jirı­be kórsetkendeı, qoǵamda ba­la­nyń bolashaǵyna alańdaıtyn, bilim salasyna janashyr, bel­sendi ata-analar az. Al toqsan paıyzǵa jýyǵy bala tárbıesin bilim berý uıymdaryna ysyryp qoıǵandy jón kóredi. Tabys tabý, áleýmettik máselelerge baı­lanysty bala tárbıesine jet­ki­likti kóńil bóle almaıtyn otbasylar bar. Sonyń saldarynan býllıng, sýısıd, otba­syn­daǵy agressııa sııaqty qoǵam ómi­rine qaýipti jaıttar beleń alý­da.

Jıynda «Senimen Bolashaq» res­pýblıkalyq ata-analar qo­ǵam­dyq birlestiginiń quryltaı­shy­sy Nurken Asanov, Adam quqyqtary jónindegi zańger, PhD Halıda Ájiǵulova, taǵy da basqa mamandar ózekti taqyrypqa oraı oı bó­lis­ti.

Kópshilikti sapaly tulǵa tár­bıe­­s­ine qoǵam bolyp atsalysýǵa sha­qyr­ǵan Senat depýtaty Dana Nurjigit otbasyndaǵy zorlyq-zom­bylyqty, mektep pen ata-ana­nyń bala tárbıesindegi kemshin tustaryn sóz etti. Depýtat býyny qatyp úlgermegen balalardy aq­parattyq agressııadan qorǵaý, tıimdi dıalog qurý máselesiniń qo­ǵam­da ótkir turǵandyǵyn jet­kiz­di.

Al senator Dınar Nóketaeva bilim men tárbıeni qatar alyp júrgende ǵana nátıjeli is bola­tynyn jetkizdi.

Búginde elimizde zamanaýı ba­la­baqshalar, mektepter, oqý oryn­dary jetkilikti. Alaıda ba­la­­ǵa tek sapaly bilim ǵana emes, tár­bıe de kerek. Ál-Farabı aıt­qan­daı, «Tárbıesiz berilgen bilim – adamzattyń qas jaýy».

Bala tárbıesinde vedom­st­vo­lyq organdardyń árqaı­sy­sy óz isine jaýapty bolýy kerek­ti­gin alǵa tartqan Parla­ment Májilisiniń depýtaty Irına Smırnova bala­lar­dyń bilimi men tárbıesi qoǵam­ǵa ortaq mindet ekenin atap ótip, ata-analardyń bala tárbıesindegi róli­niń joǵa­ry ekendigine toq­tal­dy.

Alaıda otbasyndaǵy zorlyq-zom­bylyqqa qatysty túıtkildi máse­leler tyıylmaı tur. Bul ba­ǵyt­ta agressormen kúres meha­nızm­­derin júzege asyratyn or­gan­dar jumysyn jetildirý ýaqyt kúttirmeıdi. О́ıtkeni ómir­lik qıyn jaǵdaıda qalǵan bala­lardyń taǵ­dyry alańdatady. Al birlesken iste árbir tıisti mekeme óz minde­ti­ne jaýapty bolýǵa tıis.

Osy oraıda «Senimen Bola­shaq» respýblıkalyq ata-analar qoǵamdyq birlestiginiń mamandary qoǵam bolyp atsalysatyn mańyzdy máselelerden shet qal­maýǵa shaqyrdy.

ALMATY