Qazaqstan áıelder ulttyq quramasynyń jańa bas bapkeri bolyp qazaqstandyq maman Aıtpaı Jamantaev taǵaıyndaldy, dep habarlaıdy Egemen.kz Olympic.kz saıtyna silteme jasap.
Buryn bul qyzmetti bolgar mamany Kaloıan Petkov atqarǵan.
Aıtpaı Jamantaev bapkerlik qyzmetin 1982 jyly bastaǵan. 1984 jyly «Selınnık» komandasymen birge KSRO chempıonatynyń 2-shi lıgasynyń 8-shi aımaǵynyń jeńimpazy atandy. 2004-2006 jáne 2017-2018 jyldary ol elimizdiń bas áıelder komandasyn basqardy.
Aıtpaı Jamantaevqa áıelder ulttyq komandasynyń burynǵy kapıtany Begaıym Qyrǵyzbaeva kómektesedi.
Aıta ketsek, 8 jáne 12 sáýirde komanda Slovenııa Men Ýelske qarsy 2023 jylǵy álem chempıonaty aıasynda eki úı matchyn ótkizedi. Oqý-jattyǵý jıyny 4 sáýirde bastalady.