Jyl basynan beri Soltústik Qazaqstan oblysynyń joldarynda 201 mas júrgizýshi ustaldy, dep habarlaıdy Egemen.kz.
Polısııa departamentiniń baspasóz qyzmeti málim etkendeı, sońǵy eki jaǵdaıda júrgizýshiler mas kúıinde ǵana emes, kólik júrgizý quqyǵynan da aıyrylǵan eken.
Máselen, Esil aýdany Iаvlenka aýylynyń 26 jastaǵy turǵyny, tún ortasynda aýylǵa mas saparǵa shyǵýdy uıǵarǵan. Mas adamdy ýchaskelik polıseı baıqaǵan. О́tken jyldyń qańtarynda ol bes jylǵa júrgizýshi kýáliginen aıyrylǵany belgili boldy.
Petropavl qalasynyń turǵyny da kólikti esirtkige mas kúıinde júrgizgen. О́tken jyly 35 jastaǵy qala turǵyny da jeti jylǵa júrgizýshi kýáliginen aıyryldy.
Endi olarǵa «Kólik quraldaryn júrgizý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese osyndaı adamnyń kólik quralyn basqarýǵa jiberilýi» qylmystyq baby boıynsha jaza qoldanylýy tıis. Onyń sanksııasy 5 jylǵa deıin bas bostandyǵynan aıyrýdy jáne ómir boıy basqarý quqyǵynan aıyrýdy kózdeıdi.
«Jyl basynan beri oblys joldarynda 33 jol-kólik oqıǵasy tirkelip, 9 adam qaza taýyp, 45 adam jaraqat aldy. 14 myńnan astam jol qozǵalysy erejelerin buzý anyqtaldy», dedi jergilikti polısııa qyzmeti basqarmasynyń bastyǵy Aıdyn Baımatov.