Jambyl óńirinde qazirgi tańda kóptegen aýyl memleket qoldaýynyń nátıjesinde kógildir otynnyń ıgiligin kórip keledi. Tipti birqatar aýdan ortalyqtaryna gaz toqsanynshy jyldary-aq tartylǵan eken. Egemendiktiń otyz jylynda da talaı aýyldyń gaz máselesi sheshildi. Degenmen áli kúnge deıin gaz máselesi kúrdeli kúıinde qalyp kele jatqan aýyldar da jeterlik. Aımaqta ákimder halyq aldynda esep bergende de osy bir kúrdeli másele turǵyndar tarapynan jyl saıyn kóteriledi.
О́ńirde Moıynqum jáne Sarysý aýdandaryna kógildir otyn tartý máselesi de búginde ózekti. Sol sııaqty oblystaǵy birqatar aýylda da mundaı másele bar. Al jergilikti bılik ókilderi de kópshilikke ýáde bergenimen, onyń keıbiri áli de oryndalmaı otyr.
Byltyr T.Rysqulov aýdanynda kógildir otyn tartý jumysy qarqyndy júrdi. Ákimdiktiń málimeti boıynsha bul kúnde aýdannyń 98,5 paıyzy gazben qamtylǵan. Talaı jyldan beri turǵyndardy tolǵandyryp kele jatqan másele ońynan sheshilip, ótken jyly Jańaturmys, Qazaq, Tassholaq, Qoraǵaty sııaqty barlyǵy 10 aýyl gazǵa qosyldy. Alaıda endi jaqyn ýaqyttarda gaz keledi dep josparlanǵan Sholaqqaıyńdy aýyly ótken jyly da gazdandyrylýǵa tıis eldi mekenderdiń tizimine kirmeı qalǵan. Al atalǵan aýyl turǵyndary aıtylǵan sóz aýaǵa ketkendeı kúı keshýde. Jyl saıyn jaqsy jańalyqty kútýmen júrgen kópshilik jumystyń ne sebepti saıabyrlap qalǵanyn bile almaı otyr. Bul máseleni aýyl turǵyndarynyń atynan Beıbit Baısarıev kóterip keledi. Biraq áli nátıje joq. Sholaqqaıyńdy bul kúnde Tereńózek aýyldyq okrýgine qarasty eldi mekenniń biri. Alataýdyń eteginde ornalasqan shaǵyn aýyl. Biraq aýdandy gazdandyrý jumysynyń kórsetkishi júz paıyzǵa jaqyndasa da, bul aýylǵa jetpeı otyr. «Sholaqqaıyńdy aýylyna kezinde ártúrli sebeptermen, atap aıtqanda, tıisti jobalyq-smetalyq qujattamanyń óz ýaqtysynda ótkizilmeýinen búginde aýyl kógildir otynsyz kún keshýde. Bul másele jyl saıyn ákimderdiń aýyl turǵyndaryna esep berý jıyndarynda aıtylyp ta júr. Kezinde aýyl qarııalary sol ýaqyttaǵy aýdan ákimi Jarylqasyn Aıtaqovtyń jeke qabyldaýynda bolyp, talap-ótinishimizdi bildirgen edi.
«Kelesi kúni ákim atalǵan aýylǵa ózi arnaıy kelip, Sholaqqaıyńdyǵa kógildir otyn júıesin júrgizýdi basshylyqqa alatynyn aıtyp, ýádesin bergen bolatyn. Alaıda bul ákimniń basqa qyzmetke aýysýyna baılanysty atqarylýǵa tıis jumys aıaqsyz qala berdi. Al endi aýdannyń qazirgi ákimi Erbolat Sadyrqulov jańadan taǵaıyndalǵanda aýyl qarııalary gaz máselesi boıynsha taǵy da ótinish joldady. Aýdan ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminen jaýaphat kelip, ol hatta Sholaqqaıyńdy aýylyna gaz júrgizý qurylys jumystary 2020 jyldyń basynda memleket tarapynan qarajat bólingen jaǵdaıda qolǵa alynady delingen edi. Degenmen ol da oryndalmaı qaldy. Nege bul tapsyrma áli kúnge tolyqqandy oryndalmaı otyr? Birqalypty turmys-tirshiliktegi aıadaı shaǵyn aýyldyń kógildir otynsyz otyrǵany ókinishti-aq. Kún saıyn shelektep kómir tasyp, kúıelesh kúıde kúl shyǵarýdan yǵyr bolǵan aq jaýlyqty analarymyz ben kelinderimizdiń de ókpe-renishteri qara qazandaı. Endigi úmitimiz oblys basshylyǵynda», deıdi aýyl turǵyny Beıbit Baısarıev. Turǵyndardyń janaıqaıyn jetkizgen ardager bul máseleniń nege áli kúnge deıin sheshilmeı kele jatqanyn túsine almaıdy.
Al aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi basshysynyń mindetin atqarýshy Jasulan О́mirqulov Sholaqqaıyńdy aýylyn gazdandyrý boıynsha jobalyq-smetalyq qujattama ázirlenip, 2021 jyly memlekettik saraptama qorytyndysy alynǵanyn aıtty. «Joba quny – 186 mln 700 myń teńge. Atalǵan joba oblystyq energetıka jáne turǵyn úı-kommýnaldyq sharýashylyǵy basqarmasy arqyly tıisti mınıstrlikke bıýdjettik ótinim alýǵa joldandy. Qazirgi tańda qarjy máselesi mınıstrlikte qaralyp jatyr», deıdi ol.
Endi aýdanda Sholaqqaıyńdy eldi mekeninen bólek, gaz qubyry tartylmaǵan taǵy da 7 eldi meken bar. Ákimdiktiń málimetinshe, gaz kirmegen Aqqaınar, Qosapan, Toıqudyq, Mamyrtóbe, Suńqaıty eldi mekenderi men Qoraǵaty stansasy, Qumaryq razeziniń gazdandyrylý yqtımaldylyǵy tómen. Sebebi munda halyq az qonystanǵan jáne shalǵaı ornalasqan. Al Sholaqqaıyńdy aýylynyń máselesi endi qansha jylǵa sozylatyny belgisiz. Kópshilik kógildir otyndy áli kútip keledi.
Jambyl oblysy