Búgin Qazaqstannyń úsh birdeı ataqty sportshysy, Olımpıada chempıondary, kóptegen halyqaralyq jarystyń jeńimpazdary ári júldegerleri – Vasılıı Jırov, Bekzat Sattarhanov jáne Dmıtrıı Balandınniń týǵan kúnderi. Olardyń barlyǵy da 4 sáýirde dúnıege kelgen. Joǵaryda esimderi atalǵan sańlaqtardyń esimderi álemdik sport tarıhynda altyn áriptermen jazýly.
Vasılıı Jırov búgin 48 jasqa tolyp otyr. Qazirgi Qaraǵandy oblysyna qarasty Balqash qalasynda týyp-ósken ol bozbala shaǵynan ataqty bapker Aleksandr Apachınskııdiń qol astynda jattyqty. О́ziniń eń alǵashqy eleýli tabysyna jerlesimiz 1990 jyly Máskeýde ótken Búkilodaqtyq oqýshylar spartakıadasy men jasóspirimderdiń KSRO birinshiliginde qol jetkizdi. Bul jarystarda Vasıa bas júldeni oljalady. Kóp uzamaı jastardyń Odaq birinshiliginde qola medaldy ıelenip, Eýropa chempıony atandy. Eresekterdiń TMD chempıonatynda top jardy.
Qazaqstan táýelsizdik alǵannan keıin Jırovtiń jeńisti joly bastaldy. 1993 jáne 1995 jyldary álem chempıonatynda qola medaldy oljalaǵan otandasymyz 1996 jyly Atlantada alaýy tutanǵan Olımpııa oıyndarynda 81 kılo salmaq dárejesinde dara shyǵyp, atalǵan jarystyń eń úzdik boksshysyna tıesili Barker kýbogyn ıelendi. Odan bólek Azııa oıyndarynyń jeńimpazy atanyp, qurlyq birinshiliginde teńdessiz dep tanyldy.
1997-2009 jyldar aralyǵynda Vasılıı Jırov kásipqoı rıngte kúsh synasty. Bul rette de ol tolaǵaı tabystarǵa qol jetkizdi. 1999 jyly amerıkalyq Artýr Ýılıamsty jetinshi raýndta uryp jyǵyp, birinshi aýyr salmaqta álem chempıony atandy. Odan keıingi úsh jyl aralyǵynda alty qarsylasyn qapy qaldyryp, ózine tıesili ataqty sátti qorǵady. Keıinnen «Balqashtyń barysy» aýyr salmaqta saıysqa tústi. Kásipqoılar arasynda barlyǵy 42 ret jekpe-jekke shyqqan Jırov 38 ret jeńiske jetti. 32 qarsylasyn esinen tandyrdy. Úsh ret utylyp, bir básekede teń esep tirkeldi. Vasılııdiń esimi kásipqoı bokstan Qazaqstannan shyqqan tuńǵysh álem chempıony retinde tarıhta qaldy.
Quıryqty juldyzdaı jarq etken Bekzat Sattarhanov kózi tiri bolǵanda búgin 42 jasqa tolatyn edi. Biraq ajal ony aramyzdan tym erte julyp áketti. 2000 jyldyń 31 jeltoqsanynda jora-joldastarymen birge jańa jyldy qarsy alý úshin óziniń týǵan jeri – Túrkistannan oblys ortalyǵy – Shymkentke attanyp bara jatqanda, Alashtyń altyn asyqtaı uly jol apatynan qaza tapty. Ol kezde Bekzat nebári 20 jasta edi.
Sattarhanovtyń bir ereksheligi, ol eresekterdiń el chempıonatynda daralanbaı-aq qyraǵy mamandardyń nazaryna ilikti. Buǵan deıin qandasymyz tek jasóspirimder arasyndaǵy álem jáne Azııa birinshilikteriniń kúmis medaldaryn ıelengen edi. Desek te jas bylǵary qolǵap sheberiniń boıynda bula kúshtiń buǵyp jatqanyn dóp basqan bilikti bapker Tursynǵalı Edilov Bekzatty ulttyq qurama sapyna qabyldady. Ol ózine artylǵan senimdi tolyǵymen aqtady. 1999 jyly Tashkentte ótken Azııa chempıonatynda ekinshi orynǵa taban tiregen Sattarhanov ǵasyrlar toǵysynda Sıdneıde alaýy tutanǵan Olımpııa oıyndarynda kúsh synasý qurmetine ıe boldy.uıryqty juldyzdaı jarq etken Bekzat Sattarhanov kózi tiri bolǵanda búgin 42 jasqa tolatyn edi. Biraq ajal ony aramyzdan tym erte julyp áketti. 2000 jyldyń 31 jeltoqsanynda jora-joldastarymen birge jańa jyldy qarsy alý úshin óziniń týǵan jeri – Túrkistannan oblys ortalyǵy – Shymkentke attanyp bara jatqanda, Alashtyń altyn asyqtaı uly jol apatynan qaza tapty. Ol kezde Bekzat nebári 20 jasta edi.
Jasyl qurlyqta ótken jarysta Bekzattyń jasyndaı jarqyldaǵany kúni búgingideı kóz aldymyzda. Bastapqy básekelerde rýmynııalyq Ovıdıý Bobyrnat pen Djeffrı Matebýlany ońaı eńsergen Túrkistannyń tastúlegi shırek fınalda Túrkııanyń dańqty boksshysy Ramazı Palıanıden aılasyn asyrdy. Jartylaı fınalda marokkolyq Tahar Tamsamanıdi, al aqtyq aıqasta amerıkalyq Rıkardo Hýaresti jeńdi. Sóıtken Sattarhanov qazaq boksshylary arasynan alǵashqy bolyp Olımpıada chempıony atandy.
О́reli ónerimen qalyń kórermendi qýantyp júrgen Dmıtrıı Balandın 27 jasqa toldy. Jastaıynan júzý sportyn serik etken Almatynyń týmasy alǵash ret 2014 jyly Inchhonda ótken jazǵy Azııa oıyndarynda teńdessiz ónerimen dúıim jurtty tamsandyrdy. Ol 50, 100 jáne 200 metrge brass ádisimen júzýde aldyna jan salmaı, altyn tuǵyrǵa kóterildi. Bul tabysynyń kezdeısoq emestigin Dıma 2015 jyly Kvandjýda jalaýy jelbiregen Dúnıejúzilik Ýnıversıadada dáleldedi. Otandasymyz 100 metrlik saıysta qarsylas shaq keltirmedi.
2016 jyly Brazılııanyń Rıo-de-Janeıro qalasynda shymyldyǵy túrilgen Olımpııa oıyndarynda Balandın úlken erlik jasady. Brass ádisimen 200 metrge júzýde ol teńdessiz dep tanyldy. Kúmis medal AQSh-tyń ókili Djosh Prenotqa buıyrsa, qola júldeni reseılik Anton Chýpkov ıelendi. Sondaı-aq Balandınniń osy jarys barysynda amerıkalyq Kevın Kordes pen germanııalyq Marko Koh syndy ataǵy alysqa jaıylǵan sportshylardy san soqtyrǵanyn aıta ketken abzal.reli ónerimen qalyń kórermendi qýantyp júrgen Dmıtrıı Balandın 27 jasqa toldy. Jastaıynan júzý sportyn serik etken Almatynyń týmasy alǵash ret 2014 jyly Inchhonda ótken jazǵy Azııa oıyndarynda teńdessiz ónerimen dúıim jurtty tamsandyrdy. Ol 50, 100 jáne 200 metrge brass ádisimen júzýde aldyna jan salmaı, altyn tuǵyrǵa kóterildi. Bul tabysynyń kezdeısoq emestigin Dıma 2015 jyly Kvandjýda jalaýy jelbiregen Dúnıejúzilik Ýnıversıadada dáleldedi. Otandasymyz 100 metrlik saıysta qarsylas shaq keltirmedi.