Keýdesin oqqa tósegen aǵa urpaq ókilderin ónegeli urpaqtyń júrek jylýyna bóleıik

Uly Otan soǵysy! Adam­zat tarıhynda dál osyndaı surapyl bolǵan emes. 30 mıllıonǵa jýyq adam oqqa ushty, san myń­da­ǵan bozdaq qyrshyn ketti. Kons­lagerlerde jan­túr­shi­gerlik azaptan ólgender men zor­­lyq-zombylyqqa ushy­ra­ǵan­dardyń jan tásilimi áli kúnge estiletindeı. Fa­shızm­niń qatygezdigi men jyrt­qyshtyǵy orta­ǵa­syr­lyq ınkvızasııadan áldeqaıda asyp tústi. Adam­zattyń jartysyn – qul­dyq, jartysyn joıylyp ketý qaýpi kútip turdy. Tir­shiliktiń tynysy taryldy. Mine, osyndaı aqyr­za­mannan jer-jahandy qut­qaryp qalǵan erlerdi adam­zat­ty azat etýshiler de­sek laıyqty. Búginde sol qa­har­­­mandardyń qatary áb­den sıregen. Qazaqstan Respýb­lı­kasynda olar – 6300 ǵana. Kó­biniń jasy toq­­sannan as­qan. Máskeýdi qor­ǵaǵan, Kıev­ti azat etken, Eýra­zııa­ǵa ty­nysh­tyǵyn qaı­ta­ryp ber­gen, Berlınge jeńis týyn tikken batyrlar endi aqsa­qaldy aldııarlar. Osy ardaqty atalarymyzdy, barshamyzǵa búgingi beıbit ómirdi syılaǵan asyldarymyzdy Uly jeńistiń 70 jyldyǵy qarsańynda ula­ǵatty elge tán qurmetpen qýan­taıyq. Olardy qara­ǵan­­dylyqtar sekildi kom­mý­nal­dyq-turmystyq tólem­der­den birjola bosataıyq. Sýdy da, jylýdy da, elektr qýatyn da tegin paıdalansyn. Keýdesin oqqa tósegen erlerdi ónegeli urpaqtyń júrek jylýyna osylaı bóleıik degim keledi. Aldan SMAIYL, Májilis depýtaty.