Memleket basshysy «Samuryq-Qazyna» AQ basqarma tóraǵasy Almasadam Sátqalıevti qabyldady, dep habarlaıdy Egemen.kz Aqordaǵa silteme jasap.
Qasym-Jomart Toqaevqa «Samuryq-Qazyna» qorynyń bıylǵy úsh aıda atqarǵan jumysynyń nátıjeleri týraly esep berildi.
Almasadam Sátqalıev Prezıdentke Qordyń óndiristik, qarjylyq kórsetkishteri men osy jylǵa arnalǵan boljamdary jóninde baıandady. Berilgen málimetterge sáıkes Qor qazirgi ýaqytta josparlanǵan kórsetkishterge qol jetkizgen. Osy qarqyn bıyl saqtalady dep kútilýde.
Basqarma tóraǵasy Memleket basshysyna Qordyń mańyzdy jobalarynyń júzege asyrylý barysy jáne olardyń sanyn kóbeıtý múmkindigi týraly aıtty.
Kezdesý qorytyndysy boıynsha Qasym-Jomart Toqaev «Samuryq-Qazyna» aksıonerlik qoǵamynyń jumysyna qatysty birqatar naqty tapsyrma berdi.